1 Veigauna 3 - Vakavakadewa Vou kei na iVola tale eso

O Ira na Luve i Tevita

¹ Oqo o iratou na luve i Tevita na tui, me vaka na kena veitarataravi ka ratou a sucu mai Epironi: E ulumatua o Eminoni, na tinana o Apinoami na yalewa ni Jesireli; ai karua o Taniela, na tinana o Apikali na yalewa ni Kameli;

² ai katolu o Apisalome, na tinana o Meka, na luve i Talimei, na tui Kesuri; ai kava o Atonaija, na tinana o Akici;

³ ai kalima o Sefataia, na tinana o Epitali; ai kaono o Iciriami, na tinana o Ekila.

⁴ O iratou kece na lewe ono oqo eratou sa sucu mai Epironi ena gauna sa tui tiko kina o Tevita me vitu veimama na yabaki. A sa veiliutaki vakatui o koya mai Jerusalemi me 33 na yabaki,

⁵ era sa lewe levu sara na luvena tagane era a sucu mai kea. A vakasucuma vua o Vaciseva, na luve i Amieli yalewa, e ratou lewe va na tagane: o Semea, o Sopapi, o Necani vata kei Solomoni.

⁶ E ratou sa lewe ciwa tale na luve i Tevita tagane: o Ipa, o Ilisama, o Ilifeleti,

⁷ o Noka, o Nefeki, o Jafia,

⁸ o Elisama, o Elaiata vata kei Ilifeleti.

⁹ Me kena i kuri vei ira kece na luvena oqo, a vakaluveni tagane talega o Tevita vei ira na watina lalai. E dua talega na luvena yalewa na yacana o Tema.

Na Kawa i Solomoni

¹⁰ Oqo o ira na kawa i Solomoni na tui, me vaka na kena i yatu ni kawa mai na tama ki na luvena tagane: o Solomoni, o Reopoama, o Epaija, o Asa, o Josefati,

¹¹ o Jorami, o Esaia, o Joasa,

¹² o Amasaia, o Usaia, o Jocame,

¹³ o Easi, o Esekaia, o Manasa,

¹⁴ o Emoni kei Josaia.

¹⁵ E ratou sa lewe va na luve i Josaia tagane: o Jonani, o Jo-akimi, o Setekaia vata kei Salumi.

¹⁶ E rau sa lewe rua na luve i Jo-akimi tagane: o Jo-akini, kei Setekaia.

Na Kawa i Jo-akini

¹⁷ Oqo o ira na kawa i Jo-akini na tui, era a kau vakavesu vei ira na kai Papiloni. E ratou lewe vitu na luve i Jo-akini tagane: o Selatieli,

¹⁸ o Malikirami, o Pitaia, o Senasari, o Jikamaia, o Osama kei Nitapaia.

¹⁹ E rau lewe rua na luve i Pitaia tagane: o Serupepeli vata kei Semeai. E rau sa lewe rua na luve i Serupepeli tagane: o Mesulame vata kei Ananaia, ka sa dua na ganedrau o Silomeci.

²⁰ A sa qai lewe lima tale e muri na luve i Serupepeli tagane: o Esupa, o Oeli, o Berekaia, o Esataia vata kei Jusupi Eseti.

²¹ E rau sa lewe rua na luvena tagane o Enanaia: o Pilataia vata kei Jesaia. O Jesaia na tama i Rifaya; o Rifaya na tama i Erinani; o Erinani na tama i Opetaia; o Opetaia na tama i Sekonaia.

²² Sa duabulu ga na luvena tagane o Sekonaia: o Semaia, e ratou lewe lima na makubuna: o Atusi, o Ikiali, o Paria, o Nearaia, kei Safati.

²³ E ratou lewe tolu na luvena tagane o Nearaia: o Elioenai, o Esekaia kei Asirikame.

²⁴ E ratou lewe vitu na luvena tagane o Elioenai: o Otevaia, o Ilaiasipi, o Pilaia, o Akupi, o Jonani, o Tilaia kei Anani.