1 Samuela 29 - Vakavakadewa Vou kei na iVola tale eso

Besetaki Tevita na Kai Filisitia

¹ Era a soqoni vata ki Efeki o ira kece na mataivalu ni Filisitia; era a la'ki tiko o ira na Isireli mai na dua na mata ni wai mai Jesireli.

² Era a lako yani na nodra turaga na kai Filisitia kei na nodra mataivalu yayadrau, yayaudolu; ka muri yani o Tevita, na nona tamata kei Akisa.

³ Era a taroga na turaga ni Filisitia, “Na cava era mai cakava tiko oqo na Iperiu?” A vosa vei ira na turaga ni Filisitia o Akisa, ka kaya, “O Tevita ga oqo, na tamata i Saula na tui Isireli, sa oti oqo e dua na gauna balavu na nona tiko voli vei au, ia au a sega ni kunea vua e dua na ka ca, mai na siga sa lako mai kina vei au me yacova mai oqo.”

⁴ Era a cudruvi Akisa o ira na nodra turaga na kai Filisitia, ka kaya vua, “Mo vakalesuya na tamata oqori, ka me lako ki na nona tikina o lesi koya kina, ia me kakua ni lako sobu vata kei keda ki na i valu, de na qai vuki tale o koya me keda meca ni sa ia tiko na i valu. Ia ena rawa vakacava vua na tamata oqo me vakayalovinakataka na nona turaga? Ena sega li ni cakava oqo vei ira na nodra i liuliu na tamata eke?

⁵ E sega beka li ni o Tevita ga oqo era a seretaka voli ena meke ka kaya, ‘Sa vakamatea na veiudolu o Saula, kei Tevita e vakatinitaki na veiudolu?”

⁶ A qai kacivi Tevita o Akisa ka kaya vua, “Au sa kaya dina vakaoqo me vaka ni sa bula na Kalou ni Isireli ni o sa tamata yalodina vei au; ka'u na marautaka dina mo tomani au ki na i valu oqo. Sa sega sara ni dua na cala au kunea rawa vei iko mai na siga o a lako mai kina vei au me yacova na siga edaidai; ia era sega ga ni vakadonui iko o ira na vo ni tui e Filisitia.

⁷ Mo qai lesu kina ki na nomu vanua ena vakacegu, ka kakua ni vakayacora e dua na ka me vakacudrui ira.”

⁸ A sa sauma o Tevita ka kaya vei Akisa, “Na cala cava beka au sa cakava, noqu turaga? A cava beka o ni sa kunea vua na nomuni tamata mai na siga au tiko kina e matamuni me la'ki yacova na siga oqo, me'u kakua kina ni lako ka vala kei ira na kena meca na turaga na tui?”

⁹ A vosa o Akisa vei Tevita, ka kaya, “Au kila ni o sa vinaka sara mai vei au, me vaka e dua na agilosi ni Kalou; ia era a kaya vakaoqo na vo ni tui e Filisitia mo kakua ni lako vata kei keimami ki na i valu.

¹⁰ O koya oqo, mo sou sara ena mataka lailai kei ira na nona tamata na nomu tui era a lako vata mai kei iko; ia ni qai rarama ga na vanua mo ni cavutu sara ka lesu yani.”

¹¹ Era a mai cavutu sara yani ena mataka lailai o Tevita kei ira na nona tamata ki na nodra vanua na kai Filisitia. Era a lako cake ki Jesireli o ira na kai Filisitia.