NA SAME 82 - Ai Vola Tabu Ena Vakavakadewa Vou

Sa Lewa na Veika Kece na Kalou

A Same i Esava.

¹ Sa liutaka na bose mai lomalagi na Kalou; Sa solia na nona lewa o koya ena nodra bose na kalou.

² “Mo ni muduka na nomuni lewa tawa dodonu Ka kakua ni vakaduiduitaki ira na tamata ca!

³ Ni taqomaka na nodra dodonu na dravudravua kei na luveniyali, Ni lewa vakadodonu sara vei ira na vakaloloma kei ira na malumalumu.

⁴ Ni sereki ira na dravudravua kei na vakaloloma, Ka vakabulai ira mai na nodra kaukauwa na tamata.

⁵ “O ni sa lecaika ka lialia Ka veilakoyaki voli ena butobuto, Ka sa yali na lewa dodonu e vuravura.

⁶ Au kaya vei kemuni ni ‘O ni sa kalou; O ni sa luvena kece na Kalou sa Cecere Sara.’

⁷ Ia o ni na mate me vaka na tamata Ka na cava na nomuni bula me vaka ga e dua na turaga.

⁸ Ni lako mai na Kalou ka liutaka na vuravura Era sa nomuni na veimatanitu kecega.”