NA SAME 70 - Ai Vola Tabu Ena Vakavakadewa Vou

A Masu ni Kere Veivuke

Vua na i liuliu ni sere. A nei Tevita. E dua na vakatakekere.

¹ Kemuni na Kalou, ni yalovinaka, ni vakabulai au! Ni totolo mai, i Jiova, ka mai vukei au!

² Me ra na vakadrukai ka veilecayaki O ira era saga me ra vakamatei au! Me ra na vakasukai lesu tale ka vakamaduataki O ira era marau ena vuku ni noqu leqa!

³ Me ra na taqaya sara ena nodra druka O ira era vakalialiai au!

⁴ Me ra na marau ga ka reki O ira kece era lako mai vei kemuni! Me ra na dau kaya tikoga o ira era vinakata na nomuni veivakabulai, “Sa cecere dina ga na Kalou!”

⁵ Ia oi au, au sa malumalumu ga ka dravudravua; Ni lako vakusakusa mai vei au, na Kalou. Sa i kemuni o ni sa dauvukei au ka noqu i vakabula; I Jiova, mo ni kua ni vakaberabera mai.