NA SAME 61 - Ai Vola Tabu Ena Vakavakadewa Vou

Vakataudeitaki Nona Veimaroroi na Kalou

Vua na i liuliu: kei na i yaya ni vakatagi vaka-wa. A nei Tevita.

¹ Kemuni na Kalou, ni rogoca na noqu tagi; Ni vakarogoca na noqu masu.

² Au a tagi yani vei kemuni ena noqu nuiqawaqawa, Ni'u yawa sara mai na noqu i tikotiko! Ni kauti au ki na dua na i drodro e taqomaki vinaka,

³ Baleta ni sai kemuni o ni sa dau taqomaki au; Na noqu bai kaukauwa mai vei ira na noqu meca.

⁴ Ni solia vei au me'u tiko ena nomuni valelaca ka sega ni mudu; Ka me'u taqomaki vinaka ena ruku ni tabamuni.

⁵ O ni sa rogoca na noqu veivosa ni yalayala, na Kalou, O ni sa qai solia vei au na nodra i votavota era sa rokovi kemuni.

⁶ Ni vakabalavutaka na nona bula na tui; Io, me laivi me bula tikoga!

⁷ Me qai veiliutaki tikoga e matamuni na Kalou ka sega ni mudu; Ni qai maroroi koya ena nomuni loloma tudei kei na dina.

⁸ Au na daulaga sere tikoga kina ena vakacaucautaki kemuni, Ni'u sa cabora yani ena veisiga na veika au sa yalayala kina.