NA SAME 47 - Ai Vola Tabu Ena Vakavakadewa Vou

Na Lewa ni Kalou ena Veimatanitu

Vua na i liuliu ni sere. A nodra Same na luve i Kora.

¹ Ni vakasausau ena marau na tamata kecega. Ni sere vakadomoilevu ena nomuni vakacaucautaka na Kalou!

² Me vakarokorokotaki ko Jiova, o koya sa Cecere Sara, Sa i koya na Tui Cecere, sa lewa tiko na vuravura kecega.

³ Sa solia vei keda me da qaqa vei ira na tamata; Ka sa qisi keda me da liutaka na veimatanitu.

⁴ Sa digitaka vei keda na vanua eda tiko kina oqo, Na nodra i votavota dokai na nomuni tamata sa dau loloma o koya.

⁵ Sa lako cake na Kalou ki na nona i dabedabe vakatui. Sa rogo na kaila ni marau kei na domo ni davui Ni sa lako cake ko Jiova.

⁶ Ni laga sere ena vakacaucautaka na Kalou; Ni sere ena vakalagilagia na noda Tui.

⁷ Sa Tui ni vuravura kecega na Kalou; Ni vakacaucautaki koya ena sere.

⁸ Sa dabe tiko na Kalou ena nona i dabedabe tabu vakatui, Ka sa lewa na veimatanitu.

⁹ Era sa lako vata mai na i liuliu ni veimatanitu, Kei ira na nona tamata na Kalou i Epara-ama. Sa nona ga na Kalou na i sasabai kece kei vuravura; Sa vakalevulevui cake sara o koya.