NA SAME 15 - Ai Vola Tabu Ena Vakavakadewa Vou

Na Veika e Gadreva na Kalou

A Same i Tevita.

¹ Kemuni Jiova, O cei ena tiko ena nomuni vale? O cei ena tiko ena nomuni ulunivanua tabu mai Saioni?

² O koya sa talairawarawa vua na Kalou ena ka kecega, Sa dau vakayacora tikoga na ka e dodonu Ka sa dau vosataka na ka dina mai na vu ni yalona,

³ Ka sega ni dau kaseti ira na tani. Sa sega ni cakava e dua na ka ca vei ira na wekana.

⁴ Era sa beci ira ka sa cati ira na Kalou, Ka sa dokai ira ga sa talairawarawa vei Jiova. Sa dau vakayacora na ka e yalataka, Era sa dau kitaka na veika era sa yalataka, Ka veitalia ga na levu ni kena i sau me sauma kina.

⁵ Era sa solia na dinau ka sega ni lavaka na kena tubu, Ka ra sa sega ni rawa ni vaqumi ena i lavo me ra beitaki ira kina na tamata yalododonu. O koya sa dau cakava na veika oqo ena sega ni vakadrukai rawa.