NA SAME 142 - Ai Vola Tabu Ena Vakavakadewa Vou

A Masu ni Kere Veivuke

A Masikili i Tevita. A masu ni sa tiko e loma ni qara vatu.

¹ Au sa masu vei Jiova, Au sa kere veivuke ki vua.

² Au sa kauta vua na noqu kudru kece sara, Ka'u sa tusanaka kece vua na noqu leqa.

³ Ena gauna ka'u sa voleka kina ni soro, A sa kila deivaki o koya na ka me'u cakava. Era sa vunitaka na kequ meca e dua na dai Ena sala au lako tiko kina.

⁴ Ni'u sa rai ki yasaqu, au sa sega ni raica E dua me vukei au; Sa sega ni dua me taqomaki au; Ka sega ni dua e bau kauwaitaki au.

⁵ I Jiova, au sa kerea ga na nomuni veivuke, Sa i kemuni, i Jiova, na noqu i sasabai; Sa i kemuni ga na ka kecega ka'u sa gadreva ena bula oqo.

⁶ Ni rogoca mada na noqu sa tagica na nomuni veivuke, Baleta ni'u sa luvuci ena taqaya. Ni vakabulai au mai vei ira na kequ meca; Era sa kaukauwa cake sara vei au.

⁷ Ni vakabulai au mai na noqu leqa; Ia, au sa na qai vakacaucautaki kemuni ga ena nodra soqoni na nomuni tamata, Baleta ni sa rui talei dina vei au na nomuni yalovinaka.