NA SAME 13 - Ai Vola Tabu Ena Vakavakadewa Vou

Masu ni Veivagalalataki mai na Meca

Vua na i liuliu ni sere. A Same i Tevita.

¹ Kemuni Jiova, Ena vakaevei soti na dede ni nomuni guilecavi au? Me na tawa mudu li? Ena vakacava soti na kena dede mo ni vunitaki kemuni tiko kina vei au?

² Ena vakacava soti na kena dede me'u vosota tiko kina na vutu? A cava na kena dede me na vakasinaiti kina na yaloqu ena rarawa ena siga kei na bogi?

³ Ni raici au Jiova na noqu Kalou Ka sauma na noqu masu. Ni vakaukauwataki au, me'u kakua ni mate.

⁴ De ra na qai kaya na kequ meca, “Keimami sa vakadrukai koya,” Ka ra na marautaka na noqu bale sobu.

⁵ Ia, au sa vakararavi ga ki na nomuni loloma tudei; Au na marau, baleta ni o ni na vakabulai au.

⁶ Au na sere vei kemuni, i Jiova baleta ni o ni sa yalovinaka vei au.