NA SAME 127 - Ai Vola Tabu Ena Vakavakadewa Vou

Vakacaucautaki na Vinaka ni Kalou

A Sere ni cabecabe. A nei Solomoni.

¹ Kevaka sa sega ni tara na vale ko Jiova, Sa tawayaga na nodra cakacaka era tara; Kevaka sa sega ni taqomaka na koro ko Jiova, Sa tawayaga na nodra yadra na sotia era yadrava tiko.

² Sa tawayaga na noda cakacaka vakaukauwa me da tiko vinaka kina, Eda yadra sara vakamataka ka qai moce ni sa bogi levu, Baleta ni sa dau solia na vakacegu na Turaga, Vei ira sa lomana o koya.

³ Era sai solisoli mai vua na Kalou na gone, Era sa ka ni veivakalougatataki dina.

⁴ O ira na luvena tagane na tamata ena nona gauna ni cauravou, Era sa vaka na gasau ni dakaititi ena ligana na sotia.

⁵ Sa kalougata na tamata sa levu na nona gasau vaka o ya. Ena sega ni vakadrukai o koya, Ni sota kei ira na kena meca ena vanua ni veilewai.