NA SAME 121 - Ai Vola Tabu Ena Vakavakadewa Vou

Vakadeitaki na Nona Veimaroroi na Kalou

A Sere ni cabecabe.

¹ Au sa rai cake ga ki na ulunivanua; Ena lako beka mai vei na veivuke me baleti au?

² Ena lako ga mai vei Jiova na noqu ka ni veivuke, O koya sa bulia na lomalagi kei na vuravura.

³ Ena sega ni laivi iko o koya mo bale. O koya sa maroroi iko ena sega ni sosovu.

⁴ O koya sa dau taqomaki ira na Isireli, Sa sega ni sosovu se moce!

⁵ Ena taqomaki iko ko Jiova; Sa tiko ga e yasamu o koya me taqomaki iko.

⁶ Ena sega ni mokuti iko na matanisiga ena siga, Se na vula ena bogi.

⁷ Ena taqomaki iko ko Jiova mai na leqa kecega; Ena maroroi iko vakavinaka o koya.

⁸ Ena taqomaki iko o koya ena nomu veilakoyaki voli, Ena gauna oqo ka sega ni mudu.