NA SAME 110 - Ai Vola Tabu Ena Vakavakadewa Vou

Na Kalou kei na Nona Tui Digitaki

A nei Tevita. A Same.

¹ A sa kaya ko Jiova vua na noqu Turaga, “Mo dabe ena yasaqu i matau, Me yacova ni'u sa vakamalumalumutaki ira kece na kemu meca ena ruku ni yavamu.”

² Ena vakatetea yani ko Jiova mai Saioni na nomu kaukauwa vakatui, Ka sa kaya, “Mo lewai ira na kemu meca!

³ Era na bole mai na nomuni tamata, Ena siga o ni sa na vala kina kei ira na kemuni meca.”

⁴ Sa yalataka ko Jiova ka na sega ni vakasuka tale. “O na bete me tawa mudu, Ena mata bete i Melekiseteki.”

⁵ Sa tu na Turaga ena yasamu i matau; Ena vakadrukai ira na tui o koya ena siga sa cudru kina.

⁶ Ena vakatauca na nona lewa ena veimatanitu o koya, Ka vakasinaita na veirara ni valu ena yago ni mate; Ena vakadrukai ira na tui ena vuravura taucoko.

⁷ Ena gunu na tui mai na dua na uciwai ena yasa ni gaunisala, Ena vakaukauwataki ka yaco me qaqa tikoga kina.