NA SAME 101 - Ai Vola Tabu Ena Vakavakadewa Vou

A Vosa ni Yalayala ni Tui

A nei Tevita. A Same.

¹ Na noqu sere e baleta na yalodina kei na lewa dodonu, Ka'u na seretaka vei kemuni Jiova.

² Ena tawa cala na noqu i valavala, O ni na lako mai vei au ni naica? Au na vakayacora na i valavala dodonu ena noqu vale;

³ Au na sega sara ni cakava e dua na ka ca. Au sa cata na nodra i valavala era sa gole tani mai vua na Kalou, Ka'u na sega ni via vakaitavi vata kei ira ena dua na ka.

⁴ Au na sega sara ni cakava e dua na ka ca; Au na sega sara mada ga ni vakasamataka na ka ca.

⁵ Au na vakarusa na tamata E kaseta na wekana, Ka'u na sega ni laiva Na tamata dokadoka ka viavialevu.

⁶ Au na vakadonui ira era yalodina vua na Kalou Ka laivi ira me ra tiko ena noqu i tikotiko vakatui; O ira era sa yalodina sara Era na qaravi au.

⁷ Ena sega ni dua na tamata lasulasu ena tiko ena noqu lomanibai; Ka na sega ni dua na dauveivakaisini ena tiko e mataqu.

⁸ Au na vakarusai ira na tamata ca era tiko ena noda vanua ena veisiga kecega; Au na vakasavi ira kece na tamata ca mai na koro i Jiova.