Jope 5 - Ai Vola Tabu Ena Vakavakadewa Vou

¹ I Jope, mo yalo vinaka ka kaci mada yani. De lakolako ena sauma mai e dua.

² Na nomu vakaleqa vakasivia na lomamu ena nomu yalo ca, Sa rui ka lialia ka yalowai talega.

³ Au raica na tamata e lialia vakalevu sara Ni tiko dei ga ka tiko vinaka; Ia a qai lutuka vakasauri na nona vale e dua na sau Me vu ni nona mate.

⁴ O ira na luvena era sega ni tiko vinaka rawa, Ni ra na buturaki kecega e matamata, Ka sega ni dua e vukei ira rawa.

⁵ O ira na viakana era na kania na ka e tea na lialia — E okati kina na ka e tubu maliwa ena kau vakavotona; Ka ra karamacataka na nona i yau o ira na viagunu.

⁶ E sega ni bula cake mai na qele na i tovo ca, Se tubu mai na i teitei na leqa;

⁷ E sega sara ga! Ia na tamata sa dau vakaleqai koya ga, Me vaka na kena dauvuka cake na lidinibuka.

⁸ Ia oi au, ka'u na vakasaqara na Kalou, Ka'u na vakacabora vua na noqu gagadre.

⁹ E dredre me da kila rawa na ka lelevu e dau cakava; Kei na nona cakacaka mana ni sega ni dau vakaiyalayala.

¹⁰ Sa vakatauca mai o koya na uca ki na qele, Ka vakasuasuataka na veilomanivanua.

¹¹ Io, sa dau laveti ira cake yalomalumalumu na Kalou, Ka solia na reki vei ira era lolosi.

¹² Sa vakaseva na Kalou na nodra i naki na tamata lawaki ca, Ka vakayacora me ra liga lala.

¹³ A sa vakatacoritaki ira na tamata qaseqase ena nodra i lawaki, Ka muduka vakatotolo na nodra sasaga na tamata lawaki kaukauwa.

¹⁴ Sa ologi ira na butobuto ni sa siga tu, Ka ra vakayayamo voli ena sigalevu me vaka na bogi.

¹⁵ Ia sa taqomaki ira na dravudravua na Kalou mai na mate; Ka vueti ira era gadreva na veivuke mai na leqa.

¹⁶ O koya oqo sa nodra kina na nuidei na tamata dravudravua, Ka sogolati na gusuna sa cakacaka vakatawadodonu.

¹⁷ Sa kalougata na tamata sa vakadodonutaki koya na Kalou! Mo kakua ni cata ni sa vunauci iko o koya.

¹⁸ Ena vadretitaka na Kalou, Na mavoa kecega sa vakayacora. Kevaka ena vakamavoataki iko na ligana, Sa na veivakabulai talega na ligana.

¹⁹ Ena veigauna kecega Sa dau taqomaki iko o koya mai na veika ca;

²⁰ Ni sa yaco mai na dausiga levu, Ena qarauna mo bula tikoga; Ia ni sa yaco na i valu, Ena taqomaki iko mo kakua ni mate.

²¹ Ena vueti iko mai na vosa vakacaca ni gusu; Ka vakabulai iko ni basika mai o rusa.

²² O na dredrevaka na veivakarusai kei na dausiga, Ka sega ni rerevaka na manumanu kila eso.

²³ Na tikinivanua kecega o siviyarataka Era na kau tani kina na veivatu me galala vinaka; Ka ra na sega ni katalaki iko na manumanu daukata.

²⁴ O na qai tiko vakacegu ena nomu valelaca; O na rai yani ka raici ira na nomu sipi ni ra tu welewelei sara.

²⁵ Era na lewe vuqa na luvemu kei na nomu kawa Me vaka na i wiliwili ni drau ni co ena dua na i kanakana.

²⁶ Me vaka na witi ka tamusuki ni sa matua vinaka, O iko talega o na qai mate ni o sa matua ka qase sara.

²⁷ Na ka kece oqo Jope, Keitou kila mai na vakadidike dede keitou a cakava. E ka dina taucoko ka dodonu mo rogoca, Ka kila me rawa kina ni o vinaka.