Jeremaia 24 - Ai Vola Tabu Ena Vakavakadewa Vou

¹ Sa vakaraitaka vei au ko Jiova e rua na kato lolo ena mata ni vale tabu. Oqo ena gauna sa kau oti kina vakavesu mai Jerusalemi na tui o Jioiakini na luvei Jioiakimi mai Juta, mai vei Nepukanesa na tui Papiloni. A sa kauti ira vata kaya na turaga e Juta, kei ira na matai ni ceu vatu talei kei ira na matai tale eso ki Papiloni.

² Na i matai ni kato sa tu kina eso na vua ni lolo vinaka ka totoka, ka ni a i matai ni vuata, ia na kato tale ka dua sa tu kina na vua ni lolo ca, ka rui ca sara ka sega ni rawa kina me laukana.

³ A sa kaya vei au ko Jiova, “A cava o sa raica Jeremaia?” Au a kaya, “Na lolo, na vua ni lolo vinaka sara, kei na vua ni lolo ca sa rui ca sara ka sega ni laukana rawa.”

⁴ A sa tau mai vei au na vosa i Jiova:

⁵ Sa kaya ko Jiova na Kalou ni Isireli, me tautauvata kei na vua ni lolo vinaka oqo, Au sa kaya kina ni sa vinaka na nona kau vakabobula o Juta, o koya ka'u sa vakatala tani yani mai na vanua oqo, ki na nodra vanua na kai Kalidia.

⁶ Au na raica me ra vinaka kina, ia au na kauti ira tale mai ena vanua oqo. Au na tarai ira cake tale ka sega ni basuraki ira sobu, ia au na tei ira tale ka sega ni veti ira laivi.

⁷ Au na solia vei ira na Yaloqu me ra kila ni sai au ko Jiova, era na qai noqu tamata, ka'u na qai nodra Kalou, ni ra sa na lesu tale mai vei au, ena vu ni yalodra dina.”

⁸ Ia sa kaya tale ko Jiova, “Me tautauvata kei na vua ni lolo ca, o koya sa rui ca sara ka sega ni laukana rawa, Au sa na vakayacori Setekaia vakakina na tui Juta, kei ira na nona turaga, kei ira na vo-ni-bula e Jerusalemi ka ra se vo tiko ena vanua oqo, kei ira sa tiko ena vanua o Ijipita.

⁹ Au na vakayacora vei ira na rere kei na ka ca, ki na veimatanitu kecega e vuravura, na ka e veivakamaduataki, ena vosa beci, ena ka e veivakalialiai, kei na ruru ena veiyasana kecega, kau sa vakasavi ira kina.

¹⁰ Ia au na tala yani vei ira na i seleiwau, na viakana, kei na mate ca me tauvi ira, me yacova ni ra sa vakarusai laivi mai na vanua au sa solia oti vei ira na nodra qase.”