Isikeli 5 - Ai Vola Tabu Ena Vakavakadewa Vou

Koti na Ulu i Isikeli

¹ Ia o iko na luve ni tamata, mo taura e dua na i seleiwau gata; ka taurivaka me vaka na i toro, ka tasia kina na ulumu kei na kumimu. Mo qai wasewasea ka vakarautaka na kedra bibi me vakaoqo.

² E dua na kena i katolu mo vakama ena bukawaqa e lomadonu ni koro, ni sa cava na siga ni buku na druadrua. E dua tale na kena i katolu mo taura ka musumusuka ena i seleiwau vakavolivolita na koro. E dua tale na kena i katolu mo qai veibiuyaka ki na mata ni cagi, ia ka'u na ucuna na i seleiwau me muri ira.

³ Mo qai taura mai kina e vica wale ga na drauniulu, ka vauca ki na tutu ni nomu i tutuvi.

⁴ Ia mo taura eso tale ka biuta ki loma ni bukawaqa, vakama kina; ka na qai tete mai kea na bukawaqa vei ira na mataqali kecega e Isireli.

⁵ A kaya vakaoqo na Kalou ko Jiova: “Oqo o Jerusalemi; au sa vakatikora ena kedra maliwa na veimatanitu, ka sa tu vakavolivoliti koya na veivanua.

⁶ Ia sa talaidredre vakaca o koya ki na noqu lewa, ka vakalailai o ira na veimatanitu; ka sa vorata vakalevu cake o Jerusalemi na noqu i lesilesi, ka lailai sobu na veivanua sa vakavolivolita, ni ra sa biuta na noqu lewa, ka ra sa sega ni muria na noqu i lesilesi.”

⁷ O koya sa kaya kina vakaoqo na Turaga ko Jiova: Ena vuku ni o sa tiko yavavala vakalevu cake mai vei ira na veimatanitu ka ra tiko volivoliti iko, o a sega talega ni muria na noqu i lesilesi, se vakabauta na noqu lewa, ka o sega wale ga ni muria na nodra lewa dodonu na veimatanitu sa vakavolivoliti iko;

⁸ o koya oqo, sa kaya kina vakaoqo o koya na Kalou ko Jiova: Raica, oi au, io oi au, ka'u na kemu meca; ka'u na vakatauca na i totogi vei kemuni e matadra na veimatanitu.

⁹ Ia ena vuku ni valavala vakasisila kecega, au sa na cakava kina vei iko na ka au a sega mada ni bau cakava e liu, ia ka'u na sega tale ni cakava e muri e dua na ka me rau tautauvata kaya.

¹⁰ Ia oqo, era na kania na luvedra o ira na tama ni gone, o ira talega na gone era na kani ira na tamadra; ia ka'u na vakatauca na noqu i totogi vei iko, ka'u na vakasavi kemuni na vo ni bula ki na veimata ni cagi kecega.

¹¹ O koya oqo, me vaka ni sa dina na noqu bula, a kaya na Kalou ko Jiova, Me baleta ni o sa vakadukadukalitaka na noqu Valenisoro ena nomu veitovo velavela ka vakasisila kecega, au na muduki iko sobu vakaidina, o na sega ni dro bula rawa e mataqu, ka'u na sega talega ni vosoti iko, se yalololoma vei iko.

¹² E dua na i katolu ni kemuni i wiliwili era na mate ena mate dauveitauvi kei na dausiga; e dua tale na i katolu era na bale ena i seleiwau sa tu vakavolivoliti kemuni; kei na dua tale na i katolu ka'u na vakasava ki na mata ni cagi kecega ka vakasasataki ira ena i seleiwau.

¹³ “Ena vakayacori vakaoqo na noqu cudru, ia ka'u na vakatauca na noqu cudru katakata vei ira, ka'u na qai vakacegu; era na qai kila kina ni sai au ko Jiova, ka'u sa vosa ena loma katakata, ni'u sa vakayacora na noqu cudru levu vei ira.

¹⁴ Me kena i kuri, ka'u na soli iko mo vakalialiai mai vei ira na veimatanitu era voliti iko ena matadra kece era na lako siviti iko.

¹⁵ “Ia o na yaco mo vakalialiai ka vosa vakacacataki, me ra vunauci ka domobula, talega kina na veimatanitu ka ra tu voliti iko, ena gauna ka'u na vakataulewa kina vei iko ena cudru katakata ni veivakanakuitataki — oi au, ko Jiova, ka'u sa kaya vakaoqo.

¹⁶ Ena gauna au sa na sereka kina na gasau ni veivakamatei ni dausiga, na gasau ni rusa, ka'u sa na sereka se tala yani me vakarusai kemuni, ka me kauta mai e levu cake tale na dausiga vei kemuni, ka muduka na kemuni kakana, o ya na madrai.

¹⁷ Ia ka'u na tala yani vei kemuni na dausiga kei na manumanu kata, ka ra na butakoci ira na luvemuni; ia na mate dauveitauvi kei na vakadave dra ena ia voli ena kemuni maliwa, ka'u na kauta yani vei kemuni na i seleiwau. Oi au ko Jiova, au sa kaya vakaoqo.”