Isikeli 30 - Ai Vola Tabu Ena Vakavakadewa Vou

Ena Totogitaki o Ijipita

¹ Sa yaco tale vei au na vosa i Jiova, ka vaka:

² Luve ni tamata, mo parofisai, ka kaya, Sa kaya vakaoqo na Kalou ko Jiova: Ni qoqolou, Ulei ki na siga o ya!

³ Ni sa voleka mai na siga, io sa voleka mai na siga i Jiova; na siga butobuto ni o loaloa, na nodra gauna ni leqa rerevaki na veimatanitu.

⁴ Ia ena tau ki Ijipita na i seleiwau na rarawa bibi kei na yaluma ki Eciopea, ni ra sa bale na moku mai Ijipita, ka sa tokitaki tani na kena i yau, ka talaraki sobu na kena yavu.

⁵ ‘O Eciopea, o Puti, o Luti, Arapea kece kei Libiya, ira na lewe ni vanua sa nodra i to, era na bale vata kei ira ena i seleiwau.’ ”

⁶ Sa kaya vakaoqo ko Jiova, Era na bale talega na tokitaki Ijipita, ia ena yali tani na nona kaukauwa, a viavialevu kina; me vakatekivu mai Mikitoli, ka yala ki Saini era na bale vata ena i seleiwau, a kaya na Kalou ko Jiova.

⁷ Ena qai lala o koya, vei ira ena veivanua sa lala na nona veikoro talega sa na tu vei ira na veikoro sa rusa.

⁸ Ia era na qai kila ni sai au ko Jiova Ni'u sa tutuvaka na bukawaqa mai Ijipita, ka ra na vakarusai kecega na nona i to.

⁹ “Ena siga o ya, au na talai ira na i talai yava totolo, me ra vakarerei ira na kai Eciopea ka ra sa wele tu ka sega ni kilakasami, ena bikai ira na rarawa levu ena siga ni leqa rerevaki e Ijipita; ka raica, sa yaco mai!”

¹⁰ Sa kaya vakaoqo na Kalou ko Jiova, “Au na muduka tani na i yau kei Ijipita, ena liga i Nepukanesa na tui Papiloni.

¹¹ O koya vata kei ira na nona tamata, na vanua rerevaki duadua vei ira na veimatanitu, era na kau mai me ra vakarusa na vanua; ka ra na ucuna na nodra i seleiwau me mokuti Ijipita, ka vakasinaita na vanua ena yagodra na moku.

¹² Ia ka'u na vakamacara na uciwai na Naile, ka volitaka na vanua ki na ligadra na tamata ca; Ia ka'u na vakacacana na vanua, kei na veika kece sa tu kina, ena ligadra na kai tani; Oi au ko Jiova, ka'u sa cavuta.”

¹³ A kaya vakaoqo na Kalou ko Jiova: “Au na vakarusa na veimatakau, ka muduka tani na nodra i vakatakarakara mai Memifisi; ia ena sega tale ni dua na tui ni vanua o Ijipita; ka'u na vakatubura na rere ki na vanua o Ijipita.

¹⁴ Ia ka'u na vakacacani Pacirosi, ka tutuvaka na bukawaqa mai Soani, ka ia na cakacaka ni vakataulewa ki Tepisi.

¹⁵ Ia ka'u na sovaraka na noqu cudru ki Pelusumi, na bai kaukauwa kei Ijipita, ka muduki ira tani na lewe vuqa mai Tepisi.

¹⁶ Ka'u na vakamai Ijipita; ka na rarawa vakalevu o Pelasiumi; ia o Tepisi ena basuraki, ka na vakabalei sobu na kena bai.

¹⁷ Era na vakabalei ena i seleiwau o ira na cauravou ni Ono kei Pi-beseci;

¹⁸ Ena butobuto mai na siga mai Tapanesi ni'u sa na qai voroka kina na vanua o Ijipita, ka sa muduki kina na nona kaukauwa sa viavialevu; ena tabonaki koya sara e dua na o, era na tauri vakavesu o ira na luvena yalewa.

¹⁹ Au sa na cakava vakaoqo na cakacaka ni vakataulewa vei Ijipita. Era na kila ni sai au ko Jiova.

²⁰ Ia ena i kavitu ni siga ni matai ni vula ena i kavitu ni yabaki, sa qai yaco mai vei au na vosa i Jiova, ka vaka:

²¹ Luve ni tamata, Au sa musuka na liga i tui Ijipita na tui Ijipita; ka raica, sa sega tu ni vauci, me mavo kina ena kena viviraki ena i vadreti, me kaukauwa kina ka taura tale na i seleiwau.

²² O koya sa kaya kina vakaoqo na Kalou ko Jiova: Raica, sai au na meca i tui Ijipita na tui Ijipita, ia ka'u na musuka ruarua na ligana, na kena sa kaukauwa kei na kena sa ramusu; ka'u na vakalutuma tani mai na ligana na i seleiwau.

²³ Ia ka'u na vakasevi ira na kai Ijipita ki na veimatanitu, ka dui biubiuti ira ki na veivanua.

²⁴ Ia ka'u na vakaukauwataka na liga i tui Papiloni, ka solia na noqu i seleiwau ki na ligana; ka'u na musuraka na liga i tui Ijipita, ia ena vutugu talega me vaka e dua na tamata sa vuetaki me mate.

²⁵ Ia ka'u na vakaukauwataka na ligana na tui Papiloni, ia ena lutu sobu na liga i tui Ijipita; ka ra na kila ni sai au ko Jiova. Ni'u sa solia na noqu i seleiwau ki na ligana na tui Papiloni, sa na dodoka o koya me valuta na vanua o Ijipita.

²⁶ Ia ka'u na dui vakasevi ira na kai Ijipita ki na veimatanitu, ka biubiuti ira ki na veivanua. Era na kila kina ni sai au ko Jiova.”