Isikeli 10 - Ai Vola Tabu Ena Vakavakadewa Vou

Sa Biuta na Valenisoro na Lagilagi i Jiova

¹ Au a qai rai, ka raica ni sa basika mai na dela ni wasa iloilo ka cowiri baleta koto na uludratou na jerupi e dua na ka sa vaka na vatu safaia, ka vaka koto na i bulibuli ni i tikotiko vakaturaga na vatu talei oqo.

² A vosa vua na tamata vakaisulu lineni, ka kaya, “Mo curu mada ena maliwa ni qiqi e rukudratou na jerupi ka vakasinaita na ligamu ena qilaiso waqa. Mo qai kaburaka yani na qilaiso ki na koro.” Au a vakaraici koya voli ni sa lako yani.

³ Ena gauna vata oqo, e ratou sa tu na jerupi ena yasa vaka ki na ceva ni Valenisoro ni sa curu yani na tamata; a sa qai vakasinaiti na lomanibai e loma ena o.

⁴ A sa lako cake na i ukuuku i Jiova mai vei iratou na jerupi, ki na katuba ni Valenisoro; a sa vakasinaiti na Valenisoro ena o, ia na lomanibai sa vakasinaiti ena i serau ni ukuuku i Jiova.

⁵ Ia ni rorogo yani na cacarobaroba ni tabadratou na jerupi ki na lomanibai ki sau, a vaka na domo ni Kalou Kaukauwa ni sa vosa mai.

⁶ Ni sa vakarota o koya vua na tamata sa vakaisulu lineni me kauta eso na bukawaqa mai na maliwa ni qiqi ena rukudratou na jerupi, a sa qai curu yani ki loma na tamata ka tucake volekata tu e dua na qiqi.

⁷ A dodoka na ligana e dua na jerupi ki na loma ni bukawaqa sa koto ena kedratou maliwa, a sa taura cake eso na qilaiso, ka biuta ki na liga i koya na tamata sa vakaisulu lineni. A sa taura na qilaiso ka sa lako yani.

⁸ A votu mai ligadratou na jerupi, e dua na ka sa vaka na liga ni tamata e ruku ni tabadratou.

⁹ Ia ka'u sa vakaraica, ka raica e va na qiqi, sa tu vata kei iratou na jerupi, ka ratou tau yadua na qiqi na jerupi; ia na kedratou i rairai na qiqi e sa vaka na i rairai ni mataniciva ramase.

¹⁰ Ia na kedratou i rairai na jerupi, sa tautauvata vava, ka sa vaka ga na i rairai ni qiqi ena loma ni dua na qiqi.

¹¹ Ni ratou sa lako, e ratou a lako ki na dua ga na mua e rawa ni gole kina e va, e ratou a sega ni veigoleyaki ni ratou lako tu, ia ki na mua ga sa qarava na qiqi sa tu ki liu, ka ratou muria yani na vo ni qiqi.

¹² A sa vakasinaiti ena yaloka ni mata na yagodratou taucoko, na gacagaca ni qiqi, na tabadratou, kei na qiqi vava.

¹³ Au qai rogoca e dua na domo ni kacivaka mai, “Qiqi cacawiriwiri.”

¹⁴ E tau yava taucoko na matadratou: na kena i matai na mata ni bulumakau, na kena i karua na mata ni tamata, na kena i katolu na mata ni laione, kei na kena i ka va na mata ni ikeli.

¹⁵ E ratou sa talave cake na jerupi. O iratou oqo na ka bula ka'u a raica mai na uciwai o Kipa.

¹⁶ Ia ni ratou sa lako yani na jerupi, sa lako vata kaya talega na qiqi sa tu e yasadratou; ia ni sa vakatateba na tabadratou, me ratou vuka mai na dela ni vuravura, sa sega ni veigoleyaki na yavadratou ka koto e tutudratou.

¹⁷ Ni ra sa tu vakadua tu oqori, era sa tu talega oqo; ni sa talave cake oqori, sa talave talega oqo: ni sa tiko kei ira na yalo ni ka bula.

¹⁸ A qai cavutu na i ukuuku i Jiova mai na katuba ni Valenisoro, ka la'ki tu e deladratou na jerupi.

¹⁹ E ratou sa vakatateba na jerupi, a sa vuka tani mai vuravura ni'u raica tiko; ni ratou sa vuka tani, sa lako vata kei iratou na qiqi vava, ka ratou sa la'ki tu ena katuba ni matamata vaka ki na tokalau ni Valenisoro i Jiova; ia na i ukuuku ni Kalou i Isireli sa donui iratou mai cake.

²⁰ Oqo na ka bula ka'u a raica ena ruku ni Kalou ni Isireli mai na uciwai na Kipa; ia ka'u sa kila ni sai iratou oqo na jerupi.

²¹ Sa tautauvata na matadratou, ka tau yava na tabadratou, a sa tiko ena ruku ni tabadratou yadua e dua na ka e vaka na liga ni tamata.

²² Na matadratou sa veiucui kei na mata ka'u a raica mai na uciwai o Kipa. E ratou sa dui lako vakadodonu ga ki liu.