Dauveilewai 2 - Ai Vola Tabu Ena Vakavakadewa Vou

Na Talaidredre i Isireli

¹ Sa qai lako cake na agilosi i Jiova mai Kilikali vaka ki Pokimi ka kaya, “Au a kauti kemuni mai Ijipita, ka kauti kemuni ki na vanua ka'u a yalataka vei ira na nomuni qase, au na sega ni voroka tale na noqu veiyalayalati kei kemuni.

² Mo ni kakua ni vakayacora e dua na veiyalayalati kei ira era sa tiko ena vanua oqo. Mo ni talaraka sobu na nodra i cabocabonisoro. Ia o ni sa sega ni talairawarawa ki na noqu i vakaro. O ni sa vakayacora ga na kena veibasai!

³ O koya oqo au sa kaya kina, “Au na sega ni vakatalai ira tani e matamuni, ia era na yaco me kemuni meca, kei na nodra kalou ena vakatarabetaki kemuni.”

⁴ Ena gauna a cavuta kina na vosa oqo na agilosi i Jiova vei ira na Isireli, era sa vakatekivu me ra tagi na tamata.

⁵ O koya oqo era sa vakatoka kina na vanua o ya me o Pokimi. Era a vakacaboisoro vei Jiova mai kea.

Na Mate i Josua

⁶ Ni sa vakatalai ira yani na tamata o Josua era a lako yani na Isireli ki na veivanua kecega era taukena.

⁷ Na tamata kecega era sa qaravi Jiova ena siga kecega sa bula kina o Josua, kei na siga kecega era bula kina o ira na qase era bula balavu cake mai vei Josua, o ira ka sarava na cakacaka levu sa vakayacora ko Jiova vei ira na Isireli.

⁸ A sa mate o Josua na luve i Nuni, na tamata ni Kalou, ni sa 110 na nona yabaki.

⁹ Ia era sa buluti koya ena i yalayala ni nona vanua o Timinaca Eresi ena veidelana e Ifereimi, vaka ki na vualiku ni ulunivanua o Kaasi.

¹⁰ Ia o ira na i tabatamata ka ra soqoni vata kei ira na nodra qase, kei na i tabatamata taravi ira era sa sega ni kilai Jiova se na cakacaka a cakava e Isireli o koya.

Sega ni Yalodina o Isireli

¹¹ Ia era sa vakayacora na Isireli na veika ca kecega ena mata i Jiova ka ra mani vuki tani kina me qaravi Peali.

¹² Era sa biuti Jiova na Kalou ni nodra qase, o koya ka kauti ira tani mai na vanua o Ijipita. Era sa vakamumuri ka qarava na nodra kalou na duidui tamata tani eso era bula vakavolivoliti ira. Na veika oqo sa tubu kina na cudru i Jiova.

¹³ Era sa vakanadakui Jiova ka qaravi Peali kei Aseteroci.

¹⁴ Ena ka oqo sa tubu kina na cudru waqawaqa i Jiova vei ira na Isireli, ka soli ira kina vei ira na dauvakacaca me vakalolomataki ira ka volitaki ira vei ira nodra meca era tiko vakavolivoliti ira, ka ni ra sa sega ni taqomaki ira rawa.

¹⁵ Ni ra lako yani me ia na i valu, sa sega ni tiko kei ira na liga i Jiova ka yaco kina vei ira na veika ca kecega, me vaka sa tukuna oti ko Jiova ni na yacovi ira. Sa ka levu sara na nodra vakaloloma.

¹⁶ A sa qai vakatubura cake vei ira ko Jiova eso na dauveilewai me sereki ira mai na nodra i vesu kaukauwa na dauveivakasaurarataki.

¹⁷ Ia era sa sega ga ni via vakarogorogo vei ira na dauveilewai oqo, ka ni ra vinakata ga me muria na veikalou tani ka cuva me qaravi ira ka ra vuki tani kina mai na veisala kecega era sa muria na nodra qase, era sa talairawarawa ki na i vakaro i Jiova, ia era sa sega ga ni via muria na nodra i vakarau.

¹⁸ Ena veigauna kecega a vakatubura kina ko Jiova eso na dauveilewai me baleti ira, sa dau tiko o koya kei ira na dauveilewai, ka me sereki ira tani mai na ligadra na kedra meca ena veisiga kecega era bula kina, sa dau vakayavalati na loma ni Kalou me lomani ira ena nodra rarawa kei na nodra kudru ena veika era dau sotava.

¹⁹ Ni ra mate na dauveilewai era sa lesu tale ka vakayacora na veika vakasisila ka ra sa sega ni dau vakayacora na nodra qase, me ra muria na veikalou tani ka qaravi ira ka cuva vei ira. Ia era sa sega ni biuta laivi na veitovo oqo ka ni a kaukauwa na lomadra kei na nodra sala.

²⁰ Ena vuku ni ka oqo a waqa kina na cudru i Jiova vei ira na Isireli, ka kaya vei ira, ni o ira, na tamata oqo era sa talaidredre ki na noqu veiyalayalati ka'u sa vakarota vei ira na nodra qase ka ra sega ni rogoca na domoqu.

²¹ Au na sega tale ni vakatalai ira tani na veimatanitu kecega ka sa biuta tu o Josua ni bera na nona mate.

²² Me rawa kina ni vakatovolei ira na Isireli se ra na yalodina se sega ni via muria na gaunisala i Jiova era sa muria na nodra qase.

²³ A laivi ira kina na veimatanitu oqo ko Jiova ka sega ni vakatalai ira tani mai vei ira, ka sega talega ni soli ira vei Josua.