1 Veigauna 1 - Ai Vola Tabu Ena Vakavakadewa Vou

Mai vei Atama me Yaco vei Epara-ama

¹ O Atama na tama i Seci, o Seci na tama i Inosi, o Inosi na tama i Keinana,

² o Keinana na tama i Mealieli, o Mealieli na tama i Joreti;

³ o Joreti na tama i Inoke, na tama i Mecusela o Inoke; o Meciusela na tama i Lemeki,

⁴ o Lemeki na tama i Noa. E ratou lewe tolu na luve i Noa tagane; o Semi, kei Ame, vata kei Jefeca.

⁵ O iratou oqo na luve i Jefeca tagane: o Komera, kei Mekoki, kei Matai, kei Javana, kei Tupali, kei Meseki, vata kei Tirasa — era sa nodra qase na kawa tamata era veiyacani vata kaya.

⁶ O ira na kawa i Komera era sa kai Asikenasi, Rifaca kei Tokama.

⁷ O ira oqo na kawa i Javani, o ira na kai Ilaisa, Tasisi, Saipurusi kei Rotisi

⁸ O iratou na luve i Ame tagane — o Kusa, o Ijipita, o Libiya kei Kenani.

⁹ O ira na kawa i Kusa era sa kai Sipa, Avila, Sabata, Reama kei Sapiteka. O ira na kawa i Reama era kai Sipa kei Titana.

¹⁰ (E dua na luve i Kusa tagane, o Nimiroti, a sa yaco me i matai ni tamata qaqa e vuravura.)

¹¹ O ira na kawa i Ijipita sai ira na kai Lutimi, na kai Anami, na kai Leapi, na kai Napatu,

¹² na kai Pacirusi, na kai Kasilu, kei ira na kai Kiriti o ira ka ra kawa mai kina na kai Filisitia.

¹³ O ira na luve i Kenani tagane: o Saitoni na nona ulumatua kei Eci; era sa nodra i tubutubu na tamata era sa vakayacani kina.

¹⁴ O Kenani sa nodra i tubutubu talega na kai Jepusaiti, na Amoraiti, na Kakesaiti,

¹⁵ na Aivaiti, na Akaiti, na Sainaite;

¹⁶ na Avataiti, na Semaraiti kei na Amataiti.

¹⁷ O iratou na luve i Semi tagane, o ya o Ilama, o Asuri, o Aripakisati, o Luti, o Erami, o Usu, o Uli, o Keceri kei Meseki, era sa nodra i tubutubu na tamata era sa vakayacani kina.

¹⁸ O Aripakisati na tama i Sela, ka tama i Iperi o Sela.

¹⁹ A sa rua na luve i Iperi tagane; e dua sa vakayacani me o Peleki, ka ni ra a tawase na tamata e vuravura ena dela ni nona gauna; ka vakayacani me o Jokitani o koya na kena i karua.

²⁰ O ira na kawa i Jokitani sai ira na lewe i Alimotati, Selefi, Esamaveci, Jera,

²¹ Atorami, Usali, Tikila,

²² Ipali, Apimeeli, Sipa,

²³ Ofira, Avila kei Jopapa.

²⁴ Na i yatu vakawa me tekivu mai vei Semi me yaco vei Epara-ama sa vaka tu oqo: o Semi, o Aripakisati, o Sela,

²⁵ o Iperi, o Peleki, o Riu,

²⁶ o Seruki, o Neori, o Tira,

²⁷ o Eparama (ka kilai talega ena yaca Epara-ama).

O Ira na Kawa i Isimeli

²⁸ E rau lewe rua na luve i Epara-ama tagane, o Aisake vata kei Isimeli.

²⁹ O ira na luve i Isimeli tagane era sa yaco me ra qase ni mataqali e tinikarua: o Nepeioci (mai na yaca i koya na ulumatua tagane i Isimeli), o Kitari, o Atipieli, o Mipisami,

³⁰ o Misima, o Tuma, o Masa, o Etati, o Tima,

³¹ o Jeturi, o Nefisi kei Ketema.

³² E dua na wati Epara-ama lailai, o Ketura, na yacana ka ratou lewe ono kina na luvena tagane: o Simirani, o Jokisani, o Mitani, o Mitiani, o Isipaki kei Sua. E rua na luve i Jokisani tagane: o Sipa kei Titana.

³³ E ratou lewe lima na luve i Mitiani tagane: o Ifa, o Iferi, o Inoke, o Apita kei Elitea.

O Ira na Kawa i Iso

³⁴ O Aisake na luvena tagane o Epara-ama sa rua na luvena tagane, o Iso vata kei Jekope.

³⁵ O iratou oqo na luve i Iso tagane o Ilivasi, o Riueli, o Jiusi, o Jalami kei Kora.

³⁶ O iratou oqo na veimataqali ka nodra i tubutubu o Ilivasi: o Temani, o Omari, o Sifi, o Katami, o Kenasi, o Timina kei Amaleki.

³⁷ A sa yaco o Riueli me nodra qase na mataqali nei Neaca, Sira, Sama kei Misa.

O Ira na i Taukei ni Vanua o Itomi

³⁸ Era kawa mai vei ira na luve i Sira tagane o ira na i taukei ni vanua o Itomi:

³⁹ O Lotani na nodra i tubutubu na veimataqali o Ori kei Omami. (A sa dua na ganei Lotani ka yacana o Timina.)

⁴⁰ O Sapali na nodra i tubutubu na veimataqali o Alivani, o Maneaca, o Ipali, o Sefi kei Onami.

⁴¹ Ia e rau lewe rua na luve i Sipioni tagane, o Aia, kei Ena. O Ena na tama i Tisoni, o Tisoni e nodra i tubutubu na veimataqali o Emirami, o Esipani, o Icirani kei Kirani.

⁴² O Esa na nodra i tubutubu na veimataqali o Pilani, o Sevani, kei Jekani. O Tisani na nodra i tubutubu na mataqali o Usa kei Erani.

⁴³ Oqo o ira na tui, era a veiliutaki e liu ena vanua o Itomi, ena gauna ni bera ni tui kina e dua vei ira na Isireli: O Bela na luve i Piori tagane mai na koro o Tinapa.

⁴⁴ O Jopapa, na luve i Sira na kai Posira.

⁴⁵ O Usami mai na nodra vanua na kai Temani.

⁴⁶ O Etati na luve i Pitati mai Avici, a mokuti ira na kai Mitiani ena dua na i valu ena vanua o Moapi.

⁴⁷ O Samila na kai Masirika.

⁴⁸ O Saula na kai Riopoci mai na uciwai na Uferetisi.

⁴⁹ O Peali Anani na luve i Akipori.

⁵⁰ Ni sa mate o Peali Anani, sa lewai me kena i sosomi o Etati mai na koro o Pai; a sa yaca i watina o Metapeli, na luvena yalewa o Matereti, ka makubuna o Mesapi.

⁵¹ A sa mate o Etati. Era sa vakataulewa e Itomi o iratou na i liuliu ni mataqali o Timina, Elaia, Jiceci,

⁵² Aolipama, Ela, Pinoni,

⁵³ Kenasi, Temani, Misipa,

⁵⁴ Makitieli, kei Airami.