Yakobo 5 - UPANGANO UPYA

uKusokesha asavi

¹ Ali leelo, mwe yasavi! lilangini, nu kupoma, kuno amalanda yino yamwisisha.

² Insao ino yaola ni myenda ino yalyika nu woni.

³ Zaabu yino na feza wino vyalemeka ni ngalawa, ngalawa yaakwe ilumwimikila, nayo ilulya imyili ino wa moto. Mwauwikila insao um-manda ya mpelelekezyo.

⁴ Lolini mwimile yakasakaata amalipilo yao yano yasakatile ifyalo fino yalulila, nu kulila kwakwe yakasakata kwapulikikwa uku Mwene-wa-Maumba.

⁵ Mwikala nu kuzêsya ivyuma kuno ukunsi, nu kuvimbilwa nu kwimula myenso ino, apa wanda wa kufundula.

⁶ Mwaputwila uwa chumi, mwamumola; kushi cha kumupota mwemwe.

Kutekela um-machulo

⁷ Ichino yachane, tekini myenzo fika na lino uMwene alwisa! Lolini kalima akululolela ifisêke vya nsi ifisipe, akuluvitekelela fuma pa nsemba ya mmoko ni ya kuputuka.

⁸ Nemwe kwene muteke myenzo nu kukomya imyenzo ino, kuno ukwisa kwa Mwene ukupalamila.

⁹ Yachane, mutaching'wing'wintika mwe yakola na akola, kuti mutachi yangulwa. Lolini, Umputuzi atimilila apa nnyango.

¹⁰ Lolini yachane, kuli yakalauzya yano yafwanganga umwisina lya Mwene, yawe ichilangisho cha kutekela nu kuchula um-viipe.

¹¹ Lolini tuluti inkata yao yano yapembelanga. Mwapulika ukusimpatizya kwi Yobu, mwalola umalililo wa Mwene, fino Mwene wavula inkumbu nu kukumbukila.

Amaka ya kupepa

¹² Leelo ukuluta vyonsi yachane, mutachilapa, nanti ukwiyulu nanti apa nshi nanti uku chilapo chimwi chonshi. Ukuti Endita kwino kuwe Endita, nukuti Awe kuwe Awe; mutize muponele um-uyangushi.

¹³ Ngi untu umwi ukumwino wazanwa ni viipe, alombe. Ngi kuli uwamweeso wa kuchimba, alunde imyimbo ya kutensya.

¹⁴ Ngu ntu umwi pali mwemwe walwala, awite ayikolo yi kanisa, nayo yampepele nu kumpaka mafuta umwisina lya Mwene.

¹⁵ Nu kupepa kuo ukwa usumilo kungo kungapozya unwale wiyo, nu Mwene angamkatusya nanti angawa wachita iifyo angelelwa.

¹⁶ Ichino muulongwele amaifyo ino mwe yakola na akola nu kupepelana, kuti mupoziwe. Ukupepa kwakwe uwa chumi kuile nkani, ngi wapepa uku nte.

¹⁷ Elia wali untu wa ntambi yonga neswe, wapepile ukuti isemba itachitonya, nisembe itatonyile un-nsi imyaka itatu ni myezi sita.

¹⁸ Wapepa kaili, iyulu lyapanguka ninsi yamesha ifisêke fyaakwe.

¹⁹ Yachane ngu ntu wa pali mwemwe wapaluka unchumi, nunji wampilusya,

²⁰ mumanye fino wino wapilusya uwa maifyo ukufuma un-nzila ya kulowa, alufyusya umweso waakwe ku nfwa, nu kukuwilila amaifyo tupu.