Tito 3 - UPANGANO UPYA

IMiele ya aKlisto na maswi ya kumalila

¹ Uwelenguzye antu ukutontela alâsi na ya maka, nu kukampuka uku milimo yoshi imizipe.

² Yatatuka untu umwi, yatawa nu luete, yatonte nu kulanga uvyalisu wao wonsi uku yantu yoshi.

³ Kuno kali neswe kwene tutali na mano, twali yatanduke, twazosiwa nu kuombela itama ni nyengwa tupu, nu kwikala um-viipe nuzuwa, twatuwananga.

⁴ Leelo inkumbu zyi Katula witu Leesa, nu lukundo lwakwe uku yantu, pano vyalolike, watufyusizye.

⁵ Nanti usu ku milimo ya chumi, yino twaombanga sweswe, leelo uku kukumbukilwa, uku kufulwa kwa kuvyalwa ilya uwili nu kuchitwa upya nu Mweso Nswefu,

⁶ wino twitililwa uku winji, uku nsila yi Yesu Klisto, Katula witu.

⁷ Ukuti ndi twalilwa ichumi uku nkumbu zyaakwe, tuwe yapyani ya upuma wa manda ti, ndi fino tutaile.

⁸ Iswi lya kutailwa, ni fintu fiyo ndusita uvilande uku maka, ukuti yalye yano yazumila Leesa, yelengula ukwikalisya um-milimo misipe. Ifintu fiyo ivizipe na kaili vili nu nzano uku yantu.

⁹ Leelo uleuke ukutondosya kwa sile sile, ni fintu fya kali, nu kulemanila, nu kupazyanyizya intambi. Kuno visi ni chakulola mwenemo, na kaili ivya uwele-wele.

¹⁰ Untu wino watalamana umsunde ilya ntangulo ni lya uwili, ngi atasundike, umkane,

¹¹ nu kumanya fino untu ndi wiyo walowa, na kaili aluchita amaifyo, kuno wauyangwila unkola fino mononi.

¹² Utache uzimbe ukwisa kunondi uku Nikopoli, lino nacha natuma Altema nanti Tikiko kunuli, kuno ukuno nkasime ukwikala amanda ya nsusi.

¹³ Zenasi, uwamanyikisya-intambi, na Apolo, uchite maka uku lwendo lwao, yataulilwa chimwi.

¹⁴ Antu yitu nayo yasambilile ukuomba milimo misipe, ukuyaswa yanji fino yaulilwe, yatawa nanti visêke.

¹⁵ Antu yoshi yano yali ponga nene yalukulaula. Ulaule yano yatukunda um-usumilo. Inkumbu siwe ponga nemwe mwensi.