Milimo 1 - UPANGANO UPYA

¹ Ichitabu chii icha ntaliko chino naandike, Teofilo, amaswi ya ifintu fyosi fino Yesu watangwile ukuchita nu kusambilisha,

² fika nu wanda ulya uno wasenzilwe umwiyulu, pano wasya wayakomenkesha uku Mweso Nswefu imitume ino wasolwile.

³ Kuli yano waulanzile nu kuyalangilila uku nsila tupu ichisila cha machulo yaakwe fino umpuma, aloleka kuno yali amanda amakumi yani nu kulanda amaswi ya wene-wi-Leesa.

⁴ Na lino wakonganile nayo, ayakomenkesha ukuti, yatachifuma um-Yelusalemu; “Lelo mulolele ulanyo wi Tata uno mwapulike amaswi yaakwe kuli nene.

⁵ Kuno Yoane wabatishanga uku mansi, leelo mwemwi mulubatisiwa uku Mweso Nswefu chisila cha manda mache ya.”

Yesu wakwela umwiyulu

⁶ Nga yano yakonganile yamtondosha, yaati: “We Mwene, Chene! li kwene apano uluwasha uwene uku Islaeli?”

⁷ Wayanena, waati: “Asi unnimo wino ukumanya amakati chi nanti ili lino Tata wawika uku maka yaakwe unkola.

⁸ Leelo mulupokelela amaka lino uMweso Nswefu wacha wamwikila pano muli, nemwe muluwa yashuta yane um-Yelusalemu num-Yudea yoshi num-Samalia na kuno insi ipezile.”

⁹ Nga pano wavwanga amaswi yao, akatusiwa pano yali, lino yalulola, apokelelwa nipufi ukufuma apa maaso yao.

¹⁰ Nga pano iyachinga impimbwe ukulola umwiyulu, pano wapitanga, lolini, antu yaili yimilila apipi nayo, yali ni myenda imitiswe.

¹¹ Yavwanga, yaati: “Mwe yantu ya ku Galilea, nga fino mwimilile mulingamile umwiyulu? Alawi Yesu wino wasendwa ukufuma kuno muli ukuya umwiyulu, alupiluka fiyo kwene fino mulunnola aluya umwiyulu!”

Matia wapyanile Yuda

¹² Nga yawela ukuya uku Yelusalemu ukufuma uku mwamba uno yatangi Mizeituni, wuno wali apipi ni Yelusalemu, apa kupita lwendo-lwa-Sabato.

¹³ Nga pano yingila umunzi, yaakwela ku chumba cha piyulu, muno yatenzi: Petlo na Yoane na Yakobo na Andelea, Filipo na Toma, Batolomeo na Mateo, Yakobo mwana wi Alfeo na Simoni Zelote, na Yuda mwana wi Yakobo.

¹⁴ Yao yoshi yali nu mweso onga uwa kusalika, ponga na yanachi yamwi na Malia nyina wi Yesu, nanina yaakwe.

¹⁵ Apa manda yalye awimilila Petlo apakasi yi yao anina—apaliponga yali antu umwanda onga na makumi yaili—wati:

¹⁶ “Yachane, chilungime kuti Ilyandiko lifikilile, lino lyavwanzilwe kali nu Mweso Nswefu, uku nnomo wi Daudi uku maswi yi Yuda, wino wakolelile yao yano yannemile Yesu;

¹⁷ kuno wasoloziwe ponga neswe, wapokelela uwankanyi u.

¹⁸ Ngu ntu wiyo wazanile ichalo uku mpia zya ononi, nga apona afupime, alepuka, amala yaakwe yoshi yafuma.

¹⁹ Chamanyika na yantu yoshi yano yatenzi um-Yelusalemu, nga ichalo chiyo yachitemela izina uku mvwanga wao, yaati: “Akeldama,” alikuti: Ichalo cha wazi.

²⁰ “Kuno chaandikwe un-chitabu cha Sabuli: ‘Uwikalo waakwe uwe ichitotela, patachiwa untu umwi na kwikala mwenemo,’ kaili: ‘Uwangalizi waakwe unji autole.’

²¹ “Nga apa antu yano yalondekine ponga neswe, manda yoshi lino Mwene Yesu wizile nu kufuma kuno tuli,

²² ukufuma ulubatizyo lwi Yoane, nu kufika wanda ulye uno wasenzilwe kuno tuli ukuya umwiyulu, chilingine umwi pali yeneyo awe isyuta wa kututuluka kwakwe ponga neswe.”

²³ Yawika yaili, Yosefu wino yakuluti: Balasaba, wino wali nizina lya uwili: Yusto, na Matia.

²⁴ Yapepa, yaati: “We Mwene, umanyile imyenzo ya antu yoshi, utumanyisye uwini wino wasolola pali ya yaili,

²⁵ apyanile apa milimo yi nu utume u, uno Yuda waatinile, kuti apite wenga uku wikalo wakwe.”

²⁶ Nga yachita chimala-mpaka, chaponela Matia, nawe wasoloziwa ponga ni mitume ikumi na wenga.