Mateo 14 - UPANGANO UPYA

Iifwa yi Yoane Kabatisha

¹ Apa maanda yaalye, umweene Yelodi wapuliika amaswii yi Yesu, wanena aomfi yaakwe, waati:

² “Alawiyo uli Yoane Kabatisha; atatutuluka uku yafwi, ichino amaka yao yaluomba imilimo munalii.”

³ Kuno Yelodi walile walema Yoane nu kunnyepa ku minyololo, uku nndaandu wi Yelodia, nka Filipo, unnina,

⁴ kuno Yoane wannenile, waati: “Chifakuyiile wewe ukuwa nawe.”

⁵ Nga pano wakasi ukumumoola, woofile antu, kuno yambwiine Yoane fino ikalausha.

⁶ Na pano wawa uwaanda ukulu uno Yelodi wafilwe, mwaana Yelodia, kachi, wachinile apa yaantu, chasipile Yelodi.

⁷ Chaleka wanndanya ku chilapo waati: “Nankupa chooshi chino wandoomba.”

⁸ Nawe kuno alusunkilishiwa na nyina, ati: “Ngaya untwe wi Yoane Kabatisha un-chiyo.”

⁹ Ngu mweene alola amalaanda, leelo kuno walile watalapa, na kuli yaalye aantu yano yateesi apa chakulya poonga nawe, walaanda kuti apiiwe.

¹⁰ Atuma untu ayaputula untwe wi Yoane un-ng'anda ya minyololo.

¹¹ Nga yaleeta untwe waakwe un-chiyo, yapa unsuungu wiyo, nawe atwaala kuli nyina.

¹² Alondeshi yaakwe yaya yatoola ichaala chiyo, yashiika; nga yaya yanena Yesu amaswii yao.

Yesu wayapa antu ielfu shisaano ifyakulya

¹³ Nga Yesu pano wapulika ichiintu chiyo, atiina kweneko um-waato, aya kuno kuushi aantu, ukunfiso. Na maumba pano yapulika, yalondela uku muulu ukufuma um-misi yao.

¹⁴ Pano Yesu wafuma um-waato, walola iumba ikulu, ayalolela inkuumbu, ayaposha alwale yao.

¹⁵ Na pano yaawa mangushi, aloondeshi yaakwe yayiile kunali, yannena, yaati: “Apaantu pa, inyika ntupu, ni laashi lila; ulambalika maumba, yapite um-misi, yakakaale ifyakulya.”

¹⁶ Leelo Yesu ayanena, ati: “Yataangi yapite. Yapini mweemwe ichakulya.”

¹⁷ Yannena, yaati; “Tutakwiite chimwi pa, shiko imikate yisanaano niiswi shiyili.”

¹⁸ Waati: “Ndetelini pa!”

¹⁹ Wayaneena amaumba yikale apa masote, atola mikate yisaano ni nswi shiyili, walolekesha umwiyulu, wapepelela, wakunyoola wapaaloo alondeshi, nalondeshi yaapa amaumba.

²⁰ Yalya yooshi yikuta, yasola ifikunyolwa, ifiviyo ikumi na fiili fiyibifishuulile.

²¹ Na yano yaalile yaali imyanda amakumi yasano ayonsi, nanti kusolozya anachi na anche.

Yesu alupita pa maasi

²² Nga afyengelesha aloondeshi yakwe, yakweele um-waato, yakoleele uku mbalama, pano walambalikaanga amaumba.

²³ Pano walambalika amaumba, wakwelu ukumwaamba naanti umwi ukumanya, ukuyupepa. Na pano yawa mangushi angali kuwo kweene weenga.

²⁴ Nu waato uwo waliile iufika pakashi pali yeemba, nga fino unsa wakoma, amawiimbi yaupumapuma liwaalo ulupelapela.

²⁵ Ushiku amasancha, Yesu aya kuno yali, angalupita apiyulu ya maasi pali yeemba.

²⁶ Aloondeshi pano yanndola alupita apa maasi apiyulu, yoopa, yaati: “Imikosi!” Yangula uku ngofi.

²⁷ Liyo kweene Yesu wayafwasha, waati: “Teekini imyeenzo, mutachoopa; ineene!”

²⁸ Petlo wannena, waati: “Mweene, ngu weewe, ngita ngise kunuuli apa maasi.”

²⁹ Nawe waati: “Nguuna!” Petlo wiika um-wato, wampita uku muulu apa maasi ukuya kuli Yesu.

³⁰ Leelo pano walola unsa, woopa wataampa ukutuwila, waangula, waati: “Mweene, ntuula!”

³¹ Liyo kweene Yesu akatusha ikasa lyaakwe, annema, Wannena, waati: “Uwewe wa usumilo unoono, nga fino watentenganya?”

³² Nayo pano yakweela um-waato, unsa washila.

³³ Nayo yano yali um-waato, yamwinamila, yaati: “Ichuumi, weewe Mwaana wi Leesa.”

Yesu waposha alwaale uku Genesaleti

³⁴ Na pano yalaamba, yafika un-nsi ya Genesaleti.

³⁵ Na aantu ya penepo pano yammanya, yatuma aantu ukuya un-nsi sha mbali mbali, nndetele yooshi alwaale.

³⁶ Yapapata kunalii, yamwi naanti isempele lya mweenda waakwe sile, na yooshi yano yemishe, yaposhie ningo.