Aloma 2 - UPANGANO UPYA

Uputuzi wi Leesa uku aYudea

¹ Ichino wemwi untu ungawa wensi, wino uluputwila anji, usi ni cha kuukanila. Kuno uku ifintu fino uluputwila unji, newe kwene uluuputwila wenkola. Kuno wewe wino uluputwila unji, newe kwene uluchita fiyo kwene.

² Neswe tumanyile fino uputuzi wi Leesa uwa chumi kuli yao yano yaluchita fiyo.

³ We ntu ukuluputwila yalye yano yaluchita fiyo, nu kuombela fiyo kwene wenkola, Chene! angu ulwelengula fino ungaufyusya nu uputuzi wi Leesa?

⁴ Nanti ukusula uvuzu wa utontesye waakwe nu kuzizimizya kwakwe ni chelelezi chakwe, uta-manya fino utonte wi Leesa ungakutwala un-nzila ya kuvipela?

⁵ Leelo apa kutala kwako nu mweso uwa kuntavipela, uluuwikila ukali uku wanda wa ukali nu wa kulanga kwa uputuzi-wa-chumi wi Leesa.

⁶ Wino alulipa chila ntu ukuyana ni milimo yaakwe.

⁷ Yalye yano yakulule-masya ukuchita ivizipe nu kusita ukulu nu nchinzi nu kuntaononeka, yalupiwa upuma wa manda ti.

⁸ Na yalye yano yaikunda apa lwao, yano yalusula ichumi, leelo yalu-zumila iviipe, ukali ni chilakali viluwa unnambu wao.

⁹ Uchuzi na machulo vilwizila pali chila ntu wino aluchita iviipe, ukutalika mYudea nu mGliki kwene;

¹⁰ leelo ukulu nu nchinzi nutekano uli kuli chila ntu wino aluchita ivizipe, intaliko mYudea nu mGliki kwene.

¹¹ Kuno kuli Leesa kusi usolozi.

¹² Kuno yoshi yano yaifya kwaula Ntambi, yalulowa kwaula Ntambi; nayo yoshi yano yaifya uku Ntambi, yalu-putwilwa uku Ntambi.

¹³ Kuno asi yalye yano yakupulika Ntambi, ali aya chumi apa maaso yi Leesa; leelo yalye yano yalemile Ntambi, ayano yalwalilwa ichumi.

¹⁴ Kuno antu yakulukuwa yano yasi ni Ntambi, ngi yachita uku miele yao, fino vili un-Ntambi, yao yano yasi ni Ntambi, yawa Ntambi apa lwao akola.

¹⁵ Yao yalulangizya unnimo wa Ntambi yino yaandikwa um-myenzo yao, iswi-lya-myenzo yao liluyimikila, na melenguzi yao amakola, angi viluya-landa nanti kuyawalilwa,

¹⁶ apa wanda ulye uno Leesa aluputula imilandu ya nkama zya antu, kuli Klisto Yesu, ukuyana niswi lyane izipe.

aYudea ni ntambi yao

¹⁷ Leelo wemwi, ngu lwitwa we mYudea nu kutaili Ntambi, nu kuutensya muli Leesa,

¹⁸ nu kumanya fino akasi nu kusolola ifintu fino vili ningo, kuno wasambiliziwa un-Ntambi.

¹⁹ Nu kumanya ningo fino wewe wenkola, wewe katungulula wa yapofu, umwengelela wao yano yali un-chanda.

²⁰ Kalela wa yapupani, kasambilizya wa anche, uwa malango nu wa chumi un-Ntambi.

²¹ Ichino wewe we wino ulusambilizya unji, Chene! utaluusambilizya wenkola? We wino ulusunda uti untu atachiya ukulwiya wenkola?

²² We wino uluvwanga kuti untu atachichita ivya upundu, uluchita upundu wewe kwene? We ntu watuwa iviluwi, uluwiya un-ng'anda zyi yaleza?

²³ We ntu ului-tensya uku Ntambi, ulononela Leesa unchinzi uku kuntalema Ntambi?

²⁴ Kuno izina lyi Leesa lilusulwa uku yantu yakulukuwa uku nnandu wino, ndi fino chaandikwe.

Kuchitwa ichibalu kusi unsano

²⁵ Kuno ukuchitwa ichibalu kuyile ndi walema iNtambi. Leelo ndi utalemile iNtambi, ukuchitwa kwako ichibalu kwawa kusi kuchitwa ichibalu.

²⁶ Ali ndi wino atachisilwe ichibalu alondile amaswi ya Ntambi, Chene! ukuntachi-twa ichibalu kwakwe kutangi kwalwe ndi fino ukuchitwa ichibalu?

²⁷ Na wino atachisilwe ichibalu uku kafumo kakwe, ngalemila Ntambi, Chene! atalukuputwila unndandu we wino uli na Maandiko ni chibalu, leelo ulonona iNtambi?

²⁸ Kuno wene asi mYudea, wino mYudea uku mwili sile, nanti ichibalu chisi cha kunsi, ya mwili sile,

²⁹ leelo wene mYudea wino mYudea unkasi, nachi chili chibalu cha chumi chino chachitwa um-mweso, uku Mweso, asi kulya-ndiko; ichino ukutensiwa kwakwe kutafumile uku yantu, leelo kuli Leesa.