Aloma 16 - UPANGANO UPYA

Paulo walaula antu tupu tupu

¹ Namumanyisye Febe, kachi witu, umuofi umwikongani lino lili uku Kenklea.

² Ukuti mumpokelele um-Mwene fino chilingine uku yaswefiwa, nu kumwazwa um-ifintu vyonsi fino aulilwe. Kuno nawe kwene umwazwilizi wa yantu tupu, wangazwilizye nene kwene.

³ Mundawile Pilisika na Akila, aomvi ya nnimo ponga nene muli Klisto Yesu.

⁴ Yano yalile yazumila nanti uku-putulwa imitwe uku nnandu wa kuti angi ne mpuma. Nduyasamalizya, nga asi nene sile, leelo na makongani yoshi ya akulukuwa kwene. Mundawile nikongani lino lili un-ng'anda yao.

⁵ Mundawile Epeneto unkundikwa wane, ali ivisêke vya ntomolo vya mu Azia pali Klisto.

⁶ Mundawile Malia wino wamuombela nkani imilimo.

⁷ Mundawile Andloniko na Yuniya, a luko lwane, yano yanyefilwe ponga nene. Yano yamanyika apa mitume, nayo yali muli Klisto inkolelo yane.

⁸ Mundawile Ampliato unkundikwa wane um-Mwene.

⁹ Mundawile Ulubano umuofi wa nnimo ponga nene muli Klisto. Na Staku unkundikwa wane.

¹⁰ Mundawile Apele wino waloleka weziwa muli Klisto. Mundawile antu ya ng'anda ya mwi Alistobulo

¹¹ Mundawile Elodioni uwa luko lwane. Mundawile antu ya ng'anda mwi Nakiso, yano yali um-Mwene.

¹² Mundawile Tilifena na Tilifosa, aomvi ya milimo um-Mwene. Mundawile Pesisi unkundikwa, wino waombisya nkani um-Mwene.

¹³ Mundawile Lufo wino Mwene waso-lola, na nyina wino imama nene kwene.

¹⁴ Mundawile Asiklito, Flegoni, Elme, Pataloba, Elma nachane yano yali ponga nayo.

¹⁵ Mundawile Filologo na Yuliya, Neleo na kachi wakwe, na Olimpa na aswefiwa yoshi yano yali ponga nayo.

¹⁶ Mulaulane ukwitosolo swefu. Makongani yoshi ayi Klisto yalumulaula.

Kusokezya nu kulaula, Kutensya Leesa

¹⁷ Yachane ndumusokezya muyalole yalye yano yaluchita ivitina ni ifintu vya kukumisya, fino vitaine na masa-mbilizyo yano mwasambilile, mutane nayo.

¹⁸ Kuno yano yali fiyo yataluombela uMwene witu Klisto, leelo inda zyao akola, nu ku maswi matonsu aya kuupapatizya, yaluzosya antu yano yatamanyile.

¹⁹ Kuno kutonta kwinu kwama-nyika na antu yoshi. Ichino nduchimba uku nnandu wino, leelo ndusita nemwe muwe ya mano um-ifintu vi vizipe na kuntamanya um-ifintu viipe.

²⁰ Nawe Leesa wa utekezyo alulyatilila Shetani zuwa apa mulu yino. Inkumbu zya Mwene witu Yesu Klisto ziwe ponga ne-mwe!

²¹ Timoteo umuofi wa nnimo ponga nene amulawile. Na Lukio na Yasoni na Sosipatelo a luko lwane.

²² Nene Tetiyo wino andike imbaluwa ii ndumulaula um-Mwene.

²³ Gayo kasezya wane nikongani lyonsi kwene, alumulaula. Elasto kakôzya wa vyuma vya un-nzi alumulaula, na Kwalto uwachitu. [

²⁴ Inkumbu zya Mwene witu Yesu Klisto ziwe ponga nemwe mwensi. Chiwe fiyo kwene!]

²⁵ Apa kasalaka utensyo kuli wiyo wino angamupa amaka ukuyana niswi-zipe lyane nu ku kusundwa kwa maswi yi Yesu Klisto, ukuyana nuswelulo wa melengwe yano yafisime fuma kali na kali.

²⁶ Leelo li kwene yamanyika, nu ku Maandiko ya malau yamanyika na antu ya nsi zyonsi, ndi fino Leesa wa manda ti watasile, ukuti yalemasye usumilo.

²⁷ Ali Leesa wa mano wenga kwene. Utensyo uli kula-liwe manda ti na ti, kuli Yesu Klisto. Chiwe fiyo kwene!