Aloma 12 - UPANGANO UPYA

Umikalo mipya

¹ Ichino yachane, ndumupapata, uku nkumbu zyi Leesa, fimini myili ino iwe ichipelo cha upuma ichiswepe ichakuzipila Leesa; uli kupepa kwino kwa mpomvu.

² Leelo mutachiukolanya ni miele ya kuno kunzi, leelo musenuke muwe ya melenguzi mapya, kuti mumanyikisye ningo fino Leesa akasi, vizipe ni vya kunzipila nu kuyana.

³ Kuno uku nkumbu zino napilwe, ndunena untu wensi pali mwemwe: atachiwelengula ukuluta fino chiine, leelo aelengule fino viine, ukuyana nu zumilo wakwe, ndi fino Leesa wankinye chila ntu.

⁴ Ndi fino tuli ni vyai tupu uku mwili onga, ni vyai vyonsi vitaluomba unnimo onga,

⁵ ifino neswe kwene tuli ainji, tuli umwili onga muli Klisto, nu ntu wenga alemine nunina.

⁶ Ichino twapiwa mawila yano yalekine ukuyana ni nkumbu zino twapilwe: ngi ukulauzya, tulauzye, ukuyana nu zumilo witu.

⁷ Ngi chiwa ukuombela, tuombelae; wino alusambilizya, ukusambilizya kwakwe.

⁸ Wino alusokezya un-kusokezya kwakwe, na wino ali nu wila; afime ukumweeso untiswe; kaangalila ukunte, na wino alukumbukila, akumbukile uku kuchimba.

Tuwe nu lukundo

⁹ Ulukundo lutachiwa ulwa ufi; lino lyaipa mulituwe, mulemasye chino chizifile.

¹⁰ Mukundane mwe yakola uku lukundo, uku nchinzi muchindikane.

¹¹ Ukunte mutatozoka, mutazimya moto um-myenzo ino, angi muluombelu Mwene.

¹² Chimbaini um-utailo, mutekele um-machulo, muwe nunte un-kusalika.

¹³ Muyazwe aswefiwa un-kuulilwa kwao, mupokelele aeni ningo.

¹⁴ Mupepelele yano yalumuzunya, pepelelini nanti kutîpa.

¹⁵ Chimbangini ponga na yano yaluchimba, mulilae ponga na yano yalulila.

¹⁶ Muwe numweeso onga chila ntu nu nnina, mutalangilila myenzo ino uku ifintu vikulu, leelo londelini auchefya uku vya myenzo. Mutaulola fino mwe ya malango nkani.

¹⁷ Mutasuwilizyanya iviipe. Muwe ni lya untu ku yantu yoshi.

¹⁸ Nga ndi chingawa, mutekelane na antu yoshi.

¹⁹ Yakundikwa mutachilandulana, leelo chilakali syilini Leesa, kuno chaandikwe: “Ichilanduzi ichane nene, nene ndulandula”, ifino uMwene avwanzile.

²⁰ Leelo siluembu wako ngali ni nzala, mpe alye, ngali nu nsala, nwesye. Kuno ndi wachit fiyo, wanselela amakala ya moto apa ntwe wakwe.

²¹ Utapotwa nu ipe, leelo upote uipe uku vizipe.