Aloma 1 - UPANGANO UPYA

¹ Kufuma kuli Paulo umuofi wi Klisto Yesu, wino wisilwe awe untume, nu kupalulwa akasunde iswi-sipe ili Leesa.

² Lino Leesa walainye uku nndomo wi yakalausha yaakwe um-Maandiko maswepe.

³ Ukuli kuti, imbalu sha pa mwanakwe, wino wavilwe um-mpanda wi Daudi uku mwili.

⁴ Nu kumanyishwa uku maka yaakwe fino umwana wi Leesa, ukukolana nu mweso wa uswepe, uku kututuluka kwa yafwi, Yesu Klisto, Mwene witu.

⁵ Wino muli wenewe twapokelile inkumbu nutume, kuti antu yoshi yachindike uku usumilo uku nnandu wishina lyaakwe;

⁶ yano muli yeneyo nemwe kwene mwasololwa na Yesu Klisto.

⁷ Kuli yoshi yano yali uku Loma, akundikwe na Leesa, yano yisilwe ukuwa aswepe ya mweso: Inkumbu siwe nemwe nu welesho ukufuma kuli Leesa Tata witu nu ku Mwene Yesu Klisto.

Chino Paulo wailile ku Loma

⁸ Intangulo ndunsamalisha Leesa wane muli Yesu Klisto kuli mwemwe mwensi, kuno usumilo wino ulupulikikwa umunsi yoshi.

⁹ Kuno Leesa, wino nkupepa uku mweso wane umwiswi-sipe ilya Mwanakwe, ali ishuta wane fino ndumwelengula,

¹⁰ manda yoshi un-sala shane, angi ndulomba, kuti ingise ukumwino suwa, Leesa ndi wanjulila insila.

¹¹ Kuno ndukumbuka nkani ukumulola, kuti imupe uwila wamweeso, kuti musimfye.

¹² Ukuli kuti, tusungulane nene nemwe, chila ntu uku usumilo wa wachakwe, uwino nu wane.

¹³ Leelo yachane, ntakasi kuti muta-manya imbalu, fino maila yinji nasitanga ukwisa kuno muli, chindesenkanya fika na li kwene, kuti imbwe ni fisêke kuli nemwe kwene, ndi fino ndi nafyo unjakulukuwa anji.

¹⁴ Ndi ni mpa na aGliki na asi aGliki, ndi ni mpa na amano na asi amano.

¹⁵ Ichino uku lwane nemwi ndi suwa ukusunda iswi-sipe nakuli mwemwe, yano mutesi uku Loma.

Amaka yi Iswi-sipe

¹⁶ Kuno ntalulola insoni ukwiswi-sipe; kuno amaka yi Leesa, yano yaluleta ufyusi kuli wensi wino wasumila, intangula uku aYudea na ku aGliki kwene.

¹⁷ Kuno ichumi chi Leesa chikululangilisiwa muno lili, uku nzumilo kufuma ntangulo nu kumalila ndi fino chaandikwe: “Uwa chumi alwikala uku usumilo.”

Antu yachita fiipe

¹⁸ Kuno chilakali chi Leesa chalangisiwa ukufuma umwiyulu apa kutanduka konsi ni fiipe fya antu, yano yakulupasha ichumi uku fiipe.

¹⁹ Kuno ifintu fi Leesa fino fimanyike, fyaloleka muli yeneyo, kuno Leesa waya-langile.

²⁰ Kuno ifintu fyaakwe fino fitakuloleka, kuli kuti, amaka yaakwe ya manda ti nu ulesa wakwe, filuloleka nu kumanyika uku milimo yaakwe, ukufuma ukuumbwa kwansi, kuti yatawa ni chakuufwangila.

²¹ Kuno walangi pano yammanyile Leesa, yatantensishe wi Leesa nanti ukunsama-lisha, leelo yalowa um-melengusi yao, ni myeso yao ya usofu yawa ni chanda.

²² Angi yaluutesha ukuti aya mano, yasowengine.

²³ Yasenula ukulu wi Leesa wino atangi aole, ukuwa wa mwata wa ntu wino akuluola, nu wa vyuni nu wa nkala nu wa ifintu fino fikulusela.

²⁴ Ichino uku ifintu fiyo Leesa wayaatile yalondele inyengwa zya myeso yao, yalondele utakati, apalinji yausalula unchinsi wa imyili yao.

²⁵ Kuno yasenwile ichumi chi Leesa ukuwa ufi, yachifukamila ichilengwa nu kuchipepa pali pakuti yangapepa Kalenga, wino alutensiwa manda ti. Chiwe fiyo kwene.

²⁶ Ichino Leesa wayaatile kuti yalondele inyengwa shao isha nsoni, kuno anachi kwene yasenula ifikuombeka ivya chiuntu fuma kali, ukukuombela ifisi fya chiuntu.

²⁷ Ayo-nsi nayo kwene yaatile ukuombele uku nchi ivya chiuntu, ayonsi nayonsi yalolelana inyengwa yaombana fino fitalile, yalipwa unnambu uno uyaile wa kulowa kwao muli yeneyo.

²⁸ Nga fino yakanile ukuwa na Leesa nu kummanya, Leesa wayaatile yalondele amano yao yano yataile, yafichite fino fitaile.

²⁹ Yashula uipe wonsi, ukakasi ni tama nuipe, yashula usuwa nu umosi ni itina nu uchenjesi, antu ya myeso miipe,

³⁰ ayalwambo, yakayifikisha, yatuwa Leesa, achilumba nu kuitesha, aluyifuna, alutûta ifiipe, atalu-chindika afyasi yao.

³¹ Asi na melengusi, akulunona ulanyo, asi nu lukundo nanti ukukumbukila.

³² Wene pano yamanya nkani ntambi ya chumi chi Leesa, ukuti yano yaluchita fiyo yaine infwa, yaluchita fiyo, leelo si fiyo sile, leelo yalusu-milishanya na akufiomba.