Aefeso 6 - UPANGANO UPYA

Kuchindika

¹ Nemwe yana muzumilae avyazi ino um-Mwene, kuno chi ichili chintu chizipe.

² Uchindike so na nyoko, ichilangaso chi chili cha ntangulo nacho ichili nu ulanyo:

³ “Uwe ni nkata nu kulanda amanda tupu kuno ukunzi.”

⁴ Nemwe yatata mutachipatika ana ino, leelo yalelini umu-nchinzi na masunde ya Mwene.

⁵ Mwe yasha nemwe muzumilae aene ino uku mwili, uku ngofi nu kutetema numweeso na pe, ndi fino ukuzumila Klisto.

⁶ Kutachiwa uzya wa pa manso sile, ndi fino yakuluupapatisha uku antu, leelo wa yaomvi yi Klisto, angi muluomba fino vizifile kuli Leesa numweeso na pe.

⁷ Ukumweeso na pe ndi fino ukuombela uMwene, nga asi antu.

⁸ Mumanye fino chila iswi izipe lino untu aluchita, ilino alupiwa nu Mwene, nda ngawa unzya nanti kauwele.

⁹ Nemwe yakaombelwa yachitilini ndi fiyo kwene, mute ukuyofya; angi mumanyile fino uMwene wao nu wino alu mwiyulu, kuno ukwakwe kusi uku mamantizya.

Ifyaso vyamweeso

¹⁰ Ni chisila, muwe na maka um-Mwene nu kukoma kwa maka yaakwe.

¹¹ Zwalini ivyanzo vyonsi ivyi Leesa, ukuti muwe na maka nu kupota imityo yoshi iyi Shetani.

¹² Kuno ukulwa kwitu asi kwa wazi nu mwili, leelo apa wene na maka, uku ikolo ya chanda chi, apa maumba ya viwa viipe um-mikalo ya piyulu.

¹³ Ichino tolini vyanzo vyonsi ivyi Leesa, muwe na maka ya kupota uwanda uipe, na pano mwamala fyosi, mwimilile.

¹⁴ Ichino swalini shileme, muunyepa icha kapanga um-misana, nu kuzwala cha ku chingila cha chumi apa chifuwa.

¹⁵ Nu ku mulu muswale infwato ukuuteya iswi-msifu lya uwelezyo.

¹⁶ Ukulusya vyonsi, mutole ichichingo cha usumilo, chino kuli chenecho mulukaula incheto zyonsi izya moto izya Unjipe wiyo.

¹⁷ Kaili pokelelini ngoani ya ufyusi nu lupanga lwamweeso luno iswi lyi Leesa.

¹⁸ Uku mapepo yoshi nu kupapata muwe nunte wa kupepa muli Mweso, nu kuchesya uku chintu chiyo nu kukonka um-kupepela aswefiwa yoshi.

¹⁹ Ponga nene kwene, impiwe ichakuvwanga lino natangula ukuvwanga, ukuti nsundae uku chiposye amelengwe yalye ayiswi-zipe.

²⁰ Ichino kuli lyenelyo nene ntumi um-nyololo; imbwe ni chiposye muli lye nelyo ukuvwanga fino chinjile.

Amaswi ya kumalila

²¹ Nemwe kwene, kuti mumanye amaswi yane ngi ntesi uli, Tikiko uwachitu nkundikwa umuofi wa kutailwa um-Mwene, alumulandila ifintu vyonsi.

²² Wino ntumile kuno muli uku chintu chi, kuti mumanye ivya kuno tuli, nawe amuteke imyenzo ino.

²³ Utekano uwe uku achitu, nu lukundo ponga nusumilo, fino vilufuma kuli Leesa Tata nu ku Mwene Yesu Klisto.

²⁴ Inkumbu ziwe ponga na yoshi, yano yakunda uMwene witu Yesu Klisto nu lukundo luno lutakusila.