Aefeso 3 - UPANGANO UPYA

Melengwe ya kwitwa yakulukuwa

¹ Ichino nemwi ne Paulo ne nyepwa wi Klisto Yesu uku nnandu wino mwe yakulukuwa.

² Ndi mwapulika amaswi ya wankanyi wa nkumbu shi Leesa zino napilwe uku nnandu wino.

³ Vino apa kuswelwilwa nalangililwe amelengwe yao ndi fino ntitangula ukwandika uku maswi mache.

⁴ Pano muluyasoma, mungamanya ukumanyikisya kwane um-melengwe yi Klisto,

⁵ amelengwe yao yatalangililwe antu ya kali, ndi fino imitume yaakwe aswefiwe yaswelwilwe ponga na malau apa manda ya, muli Mweso,

⁶ fino akulukuwa apyani ponga neswe, nu mwili onga nu uminkano ponga neswe uwa ulanyo, uno uli muli Klisto Yesu uku nzila yiswi-zipe.

⁷ Iswi-zipe liyo lino nachisilwe umuofi wakwe, ukuyana nu wila wa nkumbu zyi Leesa, zino napilwe ukuyana nuomvi wa maka yaakwe.

⁸ Nemwi ne nnono nkani apa aswefiwe yoshi, napilwe inkumbi zi, ukusunda akulukuwa usavi wi Klisto, uno utangi ulingwe na chimwi,

⁹ nu kuyaswefesha antu yoshi, yamanyikisye amaka ya melengwe yao, yano fuma kali kali yafisime muli Leesa, wino waumvile ifintu vyonsi.

¹⁰ Ukuti apa kasalaka, uku nzila yi kanisa, amano yi Leesa uku winji tupu, yamanyike nu wene na maka um-mikalo ya mwiyulu,

¹¹ ukuyana nu kukasama kwa manda ti, fino wakasime muli Klisto Yesu Mwene witu.

¹² Muli wenewe tuli ni chiposye na maka ya kupalamila um-utailo uku nsila ya kuzumila.

¹³ Ichino ndumulomba mutachitelekanya uku nnandu wa machulo yane kuno muli, yano uli ukulu wino.

Lukundo lwi Klisto

¹⁴ Ichino ndufukamila Tata,

¹⁵ wino uli kafumo ka nko zyonsi sha mwiyulu ni zya kuno ukunzi,

¹⁶ amupe, ukuyana ufyashi wa ukulu wakwe, amukomye uku maka uku nnimo wa Mweso wakwe, um-ntu wa nkashi.

¹⁷ Klisto awikale um-myenzo yino uku usumilo. Muwe nisinda ni chiimbili undukundo,

¹⁸ ukuti mumanye ponga na swefiwa yoshi, fino usalazu uli nutali ni chimo nu kuzika,

¹⁹ nu kumanya ulukundo lwi Klisto, luno lutangi lumanyike uku kuvulizya kwakwe, kuti muzyule uku kuzyula konsi ukwi Leesa.

²⁰ Ichino atensiwe Wino ali na maka ya kuchita ukuluta vyonsi, ukuluta fino tuluomba na fino tulwelengula, ukuyana na maka yano yaluomba unnimo muno tuli.

²¹ Atensiwe umwikongani na muli Klisto Yesu um-mipanda yoshi, manda ti na ti. Chiwe fiyo kwene!