Aeblania 6 - UPANGANO UPYA

¹ Ichino tute amasambilisho ya ntangulo ayi, Klisto, tulemasha uku yakapanga; tutachiwika kaili ichiimbili cha kufipela uku milimo ino isi ya upuma, nukuwa nusumilo kuli Leesa.

² Na masambilisho ya lubatisho nu kuwikila makasa, kututuluka kwa yafwi, nuputusi wa manda ti.

³ Na fiyo fyoshi tuluchita ngi Leesa wasumila.

⁴ Kuno yao yano yaati yapiwa umwengelela nu kusana uwila wa mwiyulu, nu kuchitwa yuminkani yi Mweso Nswefu,

⁵ nu kwesha usipe wiswi lyi Leesa, na maka ya Manda yano yalwisa,

⁶ ngi yapona ichisila cha ifintu fiyo, yatangi yachitwe upya kaili kuti yafipele, kuno yalumkonkomela uMwana wi Leesa ilya uwili apa lwao nu kumsekelisya apatiswe.

⁷ Kuno insi, ino ilunwekelela amasi ya semba, ino ilutonya pipi pipi nu kumezya vipelwa, viile kuli yao yano yailima insi, iluminkana um-upepelelo uno ulufuma kuli Leesa;

⁸ leelo ngi yamela imyonga ni vikona, ikulukanwa nu kusyalilila kutipwa, ino ukusila kwakwe ukupya.

⁹ Leelo yakunde, nanti fino tuluvwanga fiyo, tumanyikishe ningo i ifintu fisipe nkani kuli mwemwe, ifya ufyusi wino,

¹⁰ Kuno Leesa ataula ichumi, ukuti angalatila imilimo ino nu lukundo lulye, luno mwalangisha ukwisina lyaakwe, kuno mwaombile aswefiwa, na li kwene muchili muluyaombela.

¹¹ Neswe tulusita nkani chifa ntu alangishe unte ulye kwene, ukufikilila kwa utailo, fika ni chisila.

¹² Ukuti mutachiwa yakosu, leelo muwe wi yao yano yalupyana ulanyo uku usumilo nu kusisimisha.

Ulanyo wa kutailwa wi Leesa

¹³ Kuno Leesa, pano wapile Ablahamu ulanyo, kuno atali nu wikolo ukuluta unkola uwa kulapila, waulafile uku mweso waakwe unkola.

¹⁴ Ati: “Uitiwenemo uku kupepelela nankupepelela, nu kufula nankufusha.”

¹⁵ Nu ku kupembela wapiwa ulanyo uo.

¹⁶ Kuno antu yakululapila kuli wenewe wino unkulu ukuluta aliyo, na kuli yeneyo likusila kwa mipaka yao yoshi iya maswi, ichilapo chikuyakomya.

¹⁷ Umwiswi liyo Leesa wakasime ukulangilila nkani nkani yano yalupyana ulanyo ulye, fino isunde lyaakwe litakusenoka, watesile ichilapo apakasi;

¹⁸ ukuti uku ifintu fiili fino fitangi fisenokefino muli fyenefyo Leesa atangi afwange ufitusungulwe uku maka sweswe yano twitukilila ukulema utailo ulye, uno uwisilwe apa nkolelo yitu,

¹⁹ uno tuli nao wa nanga ya mweso iya maka nu kutailwa, imo wingila unkasi kuchili pasia,

²⁰ muno wingila Yesu uku nnandu witu, Katungulula witu, wawa Kapela-nkulu manda ti, ndi fino Melkisedeki wali.