Aeblania 12 - UPANGANO UPYA

Tuwe ya kutailwa

¹ Ichino neswe kwene, kuno tulisilwe niumba ikulu ilyi yasyuta ndi kuti vi, tusumbe chisendo chonsi ichinwamu ni ifyo lilye lino lilutulema, twituke ulwilo uku nte ukulwila kuno kwawikwa inkolelo itu.

² Tulolekeshange kuli Yesu, Katungulula na Kafikilisha wa usumilo witu, wino uku kuchimba kuno kwawikwa inkolelo yaakwe, wautwikile nsalaba nanti kulola insoni, nawe atensikwikasa lyi lunji ilya chisumbi-cha-ukulu ichi Leesa.

³ Nnolkeesyini nkani unkola, wino wimishe un-kupingulwa kukulu ndi; kuti ku ukwi yakaifya; mutise mutonte nu kuongoka um-myeso ino.

⁴ Mutachili mulwe isumo fika nu kuswisha uwasi pano mulupotana ni ifyo.

⁵ Kaili mwalatila ukusokesiwa kulye kuno kulufwanga nemwe kunti na ana, ati: “Mwanane, utachisula kuuma kwa Mwene; nanti utachiula maka um-mweso, pano wakalipilwa nawe.

⁶ Kuno wepe wino Mwene wakunda, akulumuma; nawe akuluuma mwana wensi wino wampokelela.”

⁷ Uku nnandu wa kuumwa, mwimisye; Leesa alumulela wa yana. Kuno Chenel umwana uli wino atakusundwa nisi?

⁸ Leelo ngi mutakusundwa, ndi fino ana yoshi, angi muli analoko, musi aya ya un-ng'anda.

⁹ Ponga na. yao, twali na yatata akutufyala, yano yatusundaa, neswetwayachindike. Chene! chitasipa nkani ukuuchefya pali Tata wa myeso nu kuwa nupuma?

¹⁰ Kuno umwenemo, yao uku manda mache yatusundaa ndi fino yawine chisifile akola, leelo Wene uku nsano witu, ukuti tuminkane umuswefu wakwe.

¹¹ Vyumo fyoshi amakati yaakwe yitakuloleka fino ichintu cha kuchimbila, leelo icha malanda, leelo ichisila fikuletela yao yano yamanyilila ifisêke fya mpomfu ifya uwelesho.

¹² Ichino ololosyini amakasa yano, yaning'ina na makokola yichitako.

¹³ Mupitae insila ino yololoka ukuti ikulu lino lyalemala litakumika, leelo lipole.

¹⁴ Musite ukunte ukuweleshanya na antu yoshi, nu uswefu uo, uno kusi untu wino angalola Mwene ngasi nao.

¹⁵ Mulole nkani untu ataulilwa inkumbu shi Leesa, isinda lya ukali litize limele nu kumuchusha, na antu tupuyalyikile kuli lyenelyo.

¹⁶ Patachiwa umpundu nanti uwino atachindike Leesa, ndi fino Esau, wino wakasishe akai kakwe aka wana wiyele uku chulya chonga.

¹⁷ Kuno mumanyile ukuti nanti fino wakasime ichisila ukupyana upepelelo, yamkanyishe, kuno atawine uwasa wa kufipela, ninti ifino wausitile nkani nu ku mansoshi.

iNtambi ni nkumbu

¹⁸ Kuno mutafikilile uku mwamba uno ungemwa, uno wakile umoto, nanti pufi luku ni chanda nipunga likulu,

¹⁹ nu unnilo wi penga ni chongo cha maswi, yano yalye yayapulike, yapapata kuti yatachinenwa iswi limwi ilinina.

²⁰ Kuno yatachili yimishe piswi lilye lino lyasunsilwe: nanti nkala ngi yemya umwamba uo, ingatamwa na mafinga.

²¹ Ni ifintu fiyo fyalolike fino ivya kupa ingofi nkani, na Mose wafwanga ukuti: “Naloli ngofi nu kutetema.”

²² Leelo mwemwi mwaufikilila umwamba wa Sioni, nunsi wi Leesa wa upuma, Yelusalemu ya mwiyulu, na maumba yi yamalaika maelfu.

²³ Ikongani ikulu lya luzango lya yana yiyele, yano yaandikwa umwiyulu, na Leesa Mputusi wa antu yoshi, ni myeso ya antu ya chumi yano yafikilila,

²⁴ na Yesu Kapulikanya wa Upangano upya, nu wasi wa kukontelelwa uno ukuvwanga ifisipe ukuluta Abeli.

²⁵ Mulole mutachisula wino aluvwanga. Kuno ngi yatachili yafyuke yalye, yano yamsusile wenewe wino wayasokishe kuno ukunsi, nu kuluta nkani tutalufyuka sweswe, ngi twampambata wenewe wino alutusokesha ukufuma umwiyulu.

²⁶ Wino iswi lyaakwe lyatetimye insi amakati yalye, leelo li kwene walanya ukuti: Kwashala lyonga kaili lino ndutetemya asi insi sile, leelo niyulu kwene.

²⁷ Leelo iswi lilye: “Lyonga kaili,” lilumanyisha fino ifintu fino fingatetemesiwa fino fyalensilwe filusenuka, ukuti ifintu fino fitangi fitetemesiwe, fishale.

²⁸ Ichino fino tulupokelela uwene uno utangi utetemesiwe, tuwe ni nsamalisho, ino muli iyo tufimile Leesa ukupepa kwa kunsipila, ponga nu kuuchefya ni chopo.

²⁹ Kuno Leesa witu umoto wa kocha nu kusikisha.