2 Yoane 1 - UPANGANO UPYA

¹ Nene unkombe, nakwandikila mwanachi wino wasololwa, ponga na ana yako, yano nakunda un-chumi; asi nene nenga, leelo na yoshi yano yamanyile ichumi.

² Uku chumi chiyo chino chiteazi muno tuli, nacho chamwa ponga neswe manda ti.

³ Inkumbu nu kukumbukilwa nu welezyo, fino vifumile kuli Leesa Tata na kuli Yesu Klisto Mwana wi Tata, viluwa ponga neswe uku chumi nu lukundo.

Ichumi nu lukundo

⁴ Nachimvile nkani kimo nalola yamwi apa yanako yalondile chumi, ndi fino twapokelile ichilangaso kuli Tata.

⁵ Na kasalaka mai, ndukulomba asi kuti nakwandikila ichilangaso chipya, leelo ichino twali nacho fuma intangulo, ukuti tukundane.

⁶ Nu lukundo ali lu, angi tulupita tulondile ifilangaso fyaakwe, Alachi ichili chilangaso ndi fino mwapulike ukufuma pa ntangulo, ukuti angi mulupita na chenecho.

uKwimisha kuli yakasosha

⁷ Kuno yakasoha tupu yaloleka kuno ukusi, yano yatasumile fino Yesu Klisto wisa um-mwili. Wiyo ali kasosha na klisto-wa-ufi.

⁸ Chenjelini mutalofya chilambu cha unnimo witu, leelo mupokelele unnambu wonsi.

⁹ Wesi wino alupitilila, ngi atalwikala um-masambilisho yi Klisto, asi na Leesa. Wino atesi um-masambilisho yao, wene ali na Tata nu Mwana kwene.

¹⁰ Untu umwi ngi wisa ukumwino, nawe atalesile amasambilisho ya, mutachi nsezya un-ng'anda ino, nanti ukulaulana.

¹¹ Kuno wino alulaulana nawe aluminkana nawe um-milimo yaakwe imiipe.

Amaswi ya kumalila

¹² Kuno ndi ni ifintu tupu, ntakasime ukwandika uku kalatasi nu wino, leelo ntaila ukwiza kumwino, nu kufwanga apa maaso, ukuti kuchimba kwitu kufikile.

¹³ Ana ya nziche wako wino wasololwa yalukulaula.