2 Kolinto 9 - UPANGANO UPYA

Ukwazwa aklisto

¹ Uomfi wa kwaswa aswefiwa, chisi cha kuti ngamwandikila.

² Kuno manyile ukukunda kwino, kuno nduutensesha kuno muli uku ya ku Masedonia, fino a mu Akaya yauteya fuma mwachizo, nunte wino wachinchisha ainji.

³ Leelo natumile achitu yao, ukuti uku utensho kwitu kuli mwemwe kutawa ukwa chaka uku chintu chi, leelo muuteye, ndi fino nafwasile.

⁴ Kuno aya ku Masedonia ngi pano yacha isa ponga nene, yazana mutauteinye, tutache tukulwe imitwe sweswe—tutachiti: umwemwe—uku chintu chiyo icha kutaila.

⁵ Ichino nalola fino nkanene achane, yakolele ukufika uku mwino nu kuteya suwa uwila wino, uno mwalainye fuma kali, angi uwisilwe chikole uti uwila, asi wi chino chafimwa uku fyengi.

⁶ Leelo nduvwanga fi, wino alupela tuche, alukumbula tuche; wino alupela uku winji, alukumbula uku winji.

⁷ Chilantu afime ndi fino akasime um-mweso wakwe, asi ku chikonko nanti uku maka, awe; kuno Leesa wakunda wino alufima uku mweso onsi.

⁸ Na Leesa angamususha inkumbu shoshi uku winji, ukuti ndi mwafulilwa fino mulusita uku ifintu fyoshi manda yoshi, mulute nkani um-milimo misiipe.

⁹ Ndi fino chaandikwe: “Wasambasha, wapa apina, ichumi chakwe icha manda ti.”

¹⁰ Na wino alupa kapela imbesu, nu nkate uwe ichakulya, alumupa imbesu sha kupela nu kufusha, nawe alufusha ifisêke vya chumi chino.

¹¹ Alumusavya um-ifintu fyoshi, kuti muwe nu wila onsi, uno ulupa Leesa insamalisho uku nnimo witu.

¹² Kuno uomfi wa nnimo u utakwaswa sile aswepe chino yaulilwe, leelo ukululusya nkani ukuwa nu nsano uku nsamalisho tupu kuli Leesa.

¹³ Kuno fino mulwesiwa uku uomvi uo, yalutesha Leesa uku unchisi wino, uku kwimikila iswi-siipe lyi Klisto, nu ku, wila Wino, uno mwauminkanya nayo ponga na antu yoshi.

¹⁴ Nayo kwene yalupepa uku nnandu Wino, yalumuluka uku nnandu wa nkumbu shi Leesa, sino shafulisha muno muli.

¹⁵ Leesa asa malisiwe uku wila wakwe, uno tutangi tuutensha ndi fino chiile!