2 Kolinto 8 - UPANGANO UPYA

Ukusangila apina

¹ Na kaili yachitu, tulumumanyisha inkumbu shi Leesa, sino amakongani ya ku Masedonia yapiwa.

² Kuno pano yesiwanga uku machulo tupu, ukufulisha kwa kuchimba kwao nukulu wa upina wao, fyayongelesishe usafi Wa wila wao.

³ Kuno ndwimikila fino uku maka yao nu kuluta, uku kukunda kwao akola, yafimile ifintu vyao.

⁴ Yatulomba nkani nu kutulailila inkumbu si nu uminkano u uwa kuombela aswefiwa.

⁵ Na kaili yachisile fiyo, asi kuti ifino twataile sile, awe, leelo intangulo yaufimile uku Mwene, na kuli sweswe kwenenku kukunda kwi Leesa.

⁶ Apalinji twasunda Tito, ukuti afikilishe inkumbu siyo kuno muli, ndi fino watangwile apa ntangulo.

⁷ Leelo ndi fino mwafulilwa fyoshi, um-usumilo, nu fwasi, nu kumanya, nu kunte wonsi, nu lukundo Iwino kuli sweswe, ifino mufulishe ni nkumbu si kwene.

⁸ Ntalufwanga fi ukuti nga musunkilishe ku maka, leelo ukunte wa yantu yanji, ngeshe ulukundo lwino, ngi ulwa chumi.

⁹ Kuno mwamanya inkumbu sha Mwene witu Yesu Kristo, wino wali umpina uku nnandu wino, nanti fino wali unsafi, ukuti mwemwe muwe yasafi uku upina wakwe.

¹⁰ Nene nchimanyikishe mwenemo ichino ndumunena, iswi li limusipile, mwe yano mwatangwile mwachiso, nga asi kuomba sile, leelo nu kusita kwene.

¹¹ Leelo apa kasalaka fikilishini nu kuomba kwene, ukutindi fino mwasitanga ifino mufikilishe nu kuomba kwene ukuyana na fino muli navyo.

¹² Kuno ndu kusita kulipo, chikulusipila kufima ukuyana na fino untu ali nafyo, asi ndi fino asi navyo.

¹³ Kuno ntaluvwanga fi, ukuti yamwi chiyangupalile nemwe mwashike.

¹⁴ Leelo ifintu filingane, apa li kwene ukufulilwa kwino kuyaswe ukuulilwa kwao, ukuti nu kufulilwa kwao kuche kumwaswe pano mwacha mwaulilwa, kuti fiyane ningo.

¹⁵ Ndi fino chaandikwe: “Wino washola ifinji, atachili alusye anji, na wino washola tuche atachili aulilwe.”

Yatuma Tito nachakwe

¹⁶ Utensyo kuli Leesa, wino watela unte uo kwene kuli. nemwe um-mweso wi Tito

¹⁷ Kuno ichumi wasumile kusunda kwitu, nakuno angi ali nunte, apita ukwisa uku mwino uku kukunda kwakwe unkola.

¹⁸ Nga tumtuma ponga nu wachitu wenga, wino kutensiwa kwakwe kwa kusunda kwiswi-siipe, kwalumbuka um-makongani yoshi.

¹⁹ Nga asi fiyo sile, leelo wasolwilwe na makongani ukupita ponga neswe un-nkumbusi sino tuluombela, ukuti uMwene atensiwe, nukuomba kwitu kumanyike.

²⁰ Tuuleusshe umwiswi li, umwi atatusumbikila uku kusangisha ku kukulu kuno tuluombela.

²¹ Kuno tukulwelengula uku ifintu fisipe, asi pa Mwene sile, leelo na pa maaso ya antu kwene.

²² Neswe ponga nayo, twatuma uwachitu, wino twalola maila tupu, ali nunte uku ifintu tupu, na pa kasalaka ali nunte nkani uku utailo ukulu, uno ali nao kuli mwemwe.

²³ Ichino ngi umwi alusita ukumanyikisha ifya kuli Tito, tuminkine ponga nawe, umuofi ponga nene kuli mwemwe, na kaili ndi wasita ukumanyikisha uku yachitu, yao imitume ya makongani nukulu wi Klisto.

²⁴ Ichino muyalange apa maaso yi ko ngani ichimanyililo cha lukundo lwino, ni cha kuutensha kwitu kuli mwemwe.