2 Kolinto 6 - UPANGANO UPYA

Paulo nu nnimo waakwe

¹ Neswe yano tuluomba unnimo ponga nawe, twamupapata mutapokelela inkumbu shi Leesa sile.

² Kuno alufwanga, ati: “Apa makati yano yazumilwa, nakupulike. Nakwaswishe uwanda wa ufyusi; lolini, uwasa unsipe uli u kwene; lolini, uwanda wa ufyusiuli u kwene.”

³ Tutalu fwitosha umwi chintu chonsi, kuti uomfi witu utasulwa.

⁴ Leelo tusifye muli fyoshi wa yaomfi yi Leesa: uku nte nkani, um-kusunyika nu kwamala num-machulo.

⁵ Numfyumo nu un-kunyepwa nu m-fitina na machulo, nu kuntalala nu kuntalya.

⁶ Um-uswepe nun-kumanya nu kuchelelesi nu kufyalika na muli Mweso Nswefu, nu ndukundo lwa chumi.

⁷ Nu kukusunda kwa chumi nu um-maka yi Leesa; nu ku fyanzo fya chumi mwikasa lya kwi lunji nu mwikasa li kamani.

⁸ Nanti uku ukulu nanti ukusulwa, nanti ukuvwangilwa ifiipe nanti ifisiipe; wa antu yano yalsosha, leelo swe antu ya chumi.

⁹ Wi yano yatamanyike, leelo tunanyike nkani; wi yano yalufwa, fwandi swe yapuma; wi yano yalumwa, leelo asi yano yalumolwa.

¹⁰ Wi yano yali ni chikonko, leelo manda yoshi tuluchimba; wayapina, leelo tulusavya ainji; wi yano tutakwite chimwi, leelo tuli ni ifintu fyoshi.

Mutanyepwa iyoko na yano yatasumile

¹¹ Mwe yaKolinto, twavwanga kuno muli, imyenzo itu yamuswepela.

¹² Mutalufyenkwa muno tuli, leelo mulufyenkwa um-myenzo ino.

¹³ Nga apa kuti mulipe ndifino mwapilwe: nduvwanga nemwe wa yana yane—nemwe kwene muswepe imyeso ino.

¹⁴ Mutanyepwa iyoko ponga na yano yatasumile; kuno pali upulikano chi apa chumi nu utanduko? Kaili pali uuminkano chi apa mwengelela ni chauda?

¹⁵ Pali ukusumilishanya chi pali Klisto na Beliali? Nanti uwino wasumila ali na kai chi ponga na wino atasumile?

¹⁶ Na kaili pali upulikano chi apa ng'anda-nkulu-iyi-Leesa ni filuwi? Kuno swemwi swe ng'anda-nkulu-iyi-Leesa wa upuma, ndi fino Leesa wafwasile, ukuti: “Ndwikala muno yali na muli yeneyo ndupitanga; nene nduwa Leesa wao, nayo yaluwa antu yane.

¹⁷ Ichino, tinini kuno yali, mutane nayo, ifino uMwene wavwanzile: Mutachemya ichintu cha unyamfi, nene ndumupokelela.

¹⁸ Nduwa so wino, nemwe muluwa yanane aya chonsi na ya chanachi. Ifino afwasile uMwene wa Maka-Yonsi.”