2 Kolinto 3 - UPANGANO UPYA

Upangano wa kali nu upya

¹ Chene! tutangule kaili ukuitensha swe yakola? Nanti tulusita, wa yanji, imbaluwa sha kuutensha kuno muli, nanti ukufuma kuno muli?

² Mwemwe muli mbaluwa itu, ino yaandikwe um-myeso itu, imanyika nu kusomwa na antu yoshi.

³ Mumanyike fino mwemwe mbaluwa yi Klisto ino twandike, ino itaandikwe uku wino, leelo uku Mweso wi Leesa wa upuma, asi pa fibao vya mafinga, leelo apa fibao vya myeso ya antu.

⁴ Nutailo uo tuli nao apa maaso yi Leesa kuli Klisto.

⁵ Asi kuti tuile swenga ukwelengula chimwi kunti ichitu swe yakola, leelo amaka itu yalufuma kuli Leesa.

⁶ Nawe uwino watupa ukuwa yaomvi ya upangano upya, usi wi lyandiko, leelo uwa Mweso. Kuno ilyandiko likulumola, leelo Mweso akululeta upuma.

⁷ Ali ngu omvi wa nfwa uno waandikwe nu kukwangolwa apa mafinga, wizile um-ukulu, walesya antu ya Islaeli ukulola usyu wi Mose, kuno usyu waakwe wali nukulu, nao ukulu uno ukusila.

⁸ Uomvi wa Mweso utaluluta ukuwa nukulu?

⁹ Kuno ngu uomfi wa kuputwilwa imilandu uli nukulu, uomfi wa chumi uli nukulu ukuluta nkani.

¹⁰ Kuno na uno wapilwe ukulu kwene utali nukulu fi, uku ukulu imo ulusile nkani.

¹¹ Kuno ngi chino chilusila chali nukulu, chino chashala chili nukulu ukuluta.

¹² Ichino, fino tutaile fiyo, tulupama apa kufwanga.

¹³ Neswe tusi wi Mose, wino wakuwile uku maaso, kuti aIslaeli yatachi lolekesya uku mpelelekesho yaakwe chino chilumalilika.

¹⁴ Leelo amelengusi yao yanwainikwe. Kuno ni leelo kwene li, pano yalusoma upangano wa kali, yatakukûla ichikuwalo, kuno chakûlwa muli Klisto sile.

¹⁵ Leelo fika ni leelo, lyoshi pano Ntambi yi Mose ilusomwa, angi mye, nso yao ikuwilwe nacho.

¹⁶ Leelo lyonsi lino umwi wasenukila uku Mwene, ichikuwalo chiyo chilutisiwa.

¹⁷ Ichino Mwene alu Mweso, na pano pali uMweeso wa Mweno, apano pali ukauwela.

¹⁸ Leelo swemwi swensi uku maaso kuno kusi kukuwe, tuluwesha ukulu wa Mwene wa pa chilole, tulusenulwa tukolane nao ukufuma um-ukulu nu ku ukulu, ndi fino um-ukulu uno ufumile uku Mwene, nawe uMweso.