2 Kolinto 12 - UPANGANO UPYA

Malele nu swelulo

¹ Chindungime ukuutensya, nanti fino chitazifile chimwi. Leelo namwelengula amalele nu swelulo wa Mwene.

² Manyile untu umwi muli Klisto, ukufika kasalaka yawa imyaka ikumi na ini—fino ndi wali um-mwili, ntamanyile, nanti ndasu um-mwili, ntamanyile. Leesa amanyile —untu wiyo wasesilwe umwiyulu afika ukwiyululyautatu.

³ Untu wiyo mmanyile—ngi wali um-mwili, ntamanyile, ngatali um-mwili, ntamanyile; Leesa amanyile.

⁴ Fino wasesilwe uku Paladiso, wapulika amaswi yano yatangi yafwangwe, yano chitaile untu ukuyafwanga.

⁵ Uku ntu ndi wi nambutesha, leelo uku nnandu wane ntaluutensha, siku uku utonte wane.

⁶ Kuno ngi nasita uku utensha, ntangi mbwe sofu, kuno ngafwanga icha chumi; leelo nata, ukuti kutawa umwi atachi ngalinkanya ukuluta fino walola nanti ukupulika kuli nene.

⁷ Leelo pa nnandu wa ukulu wa maswelulo yao. Napiwa umonga um-mwili wane, malaika wi Shetani, alundwisha, kuti ntauwansha mpitilile.

⁸ Uku chintu chi naapapata uMwene amaila yatatu, ukuti chintine

⁹ Nawe wannena waati: “Inkumbu shane siile; kuno amaka yane yakuluyana nu utonte.” Ichino nambutesha umu utonte wane nu kuchimbisya, ukuti amaka yi Klisto yikale nene.

¹⁰ Ichino ndusipilwa um-utonte nu kusulwa, nu kusunywa nu kuwingwa nuchusi apa nnandu wi Klisto, kuno pano nene ndi um-utonte, apano ndi na maka.

Akolinto yatentenganya Paulo

¹¹ Nawa njungani. Mwemwe mwankulisha. Kuno chandungime ukutensiwa nemwe. Kuno nsi nnono apa mitume anji akulu, nanti fino nsi chimwi.

¹² Kuno ifilangisho fya mitume fyaomfilwe pali mwemwe ukunte onsi uku fila ngisho ni fipesha-mano ni milimo ya maka.

¹³ Kuli chintu uli chino mwaulilwe ukuluta amakongani manina, leelo sile kuno nemwi ntamwilikile? Mungelele uipe u.

¹⁴ Lolini, li kwene ilya utatu ndusita ukwisa uku mwino, nga ntalumwilikila. Kuno ntalusita ifintu fino, leelo ndumusita mwemwe; kuno chitaile ana ukuwika chimwi uku yafyasi, leelo afyasi yawike uku yana.

¹⁵ Nene uku kuchimbishananfima na kaili namfima uku nnandu wa myeso ino. Chene! ndi fino namukundisha, nachepelwa ukukundikwa?

¹⁶ Leelo chiwe ndi fiyo kwene. Nemwi ntainwilikile; leelo uku uchenjezu namulemile uku mano.

¹⁷ Chene! untu wensi wino naatuma kuno muli imulifya chimwi uku ntu wiyo?

¹⁸ Napapata Tito apite nu kutuma uwachitu wiyo ponga nawe. Chene! Tito wamulifishe chimwi? Chene! tutali um-mweso uo kwene num-makando yaya kwene?

¹⁹ Mwatangula kali kwelengula fino tuluuwalilwa kuno muli. Leelo apa maaso yi Leesa tuluvwanga muli Klisto; ni ifintu fyoshi fiyo yakundikwa, uku nnandu wa kumukusha mwemwe.

²⁰ Kuno ndopa fino, lino nacha nisa, ndumusana ndi fino ntakasime, ishe ndoleke kuno muli insi ndi fino mukasime. Ndopa ukusana ukulemanile, nusuwa, ni chilakali, nu kuikusha, nu kuifikishana nu lwambo, ni chilumba nu kutukana.

²¹ Chileka ndopa, pano nacha nisa kaili, Leesa wane alunchefya kuli mwemwe, nene ndulola chikonko pa nnanduwa inji yano yaifya fuma kali, nanti kuvipela uku utakati nu pundu nu nyamfi, uno yachisile.