2 Kolinto 10 - UPANGANO UPYA

Paulo waufwangila apa nnimo waakwe

¹ Nene Paulo nenkola, namupapata uku uvyalisunu ntonsu wi Klisto, nemwi wino nauchefya lino ndi ponga nemwe, leelo pano nsipo, ndi ni chiposhe kuno muli.

² Ndumulomba mutachi munkalifye, pano nacha ndipo, pano nacha nisa, siku ngakalipa kuli yoshi, yano yalutwelengula fino sweswe imiele itu iya mwili.

³ Kuno nanti fino miele yitu iya mwili, tutaluchita isumo lya mwili.

⁴ Kuno ifyaso fisumo litu fisi fya mwili, leelo fili na maka ya kuli Leesa aya kuponya malinga.

⁵ Tuponye amelengusi ni chintu ichonsi chino chimilila nu kuukatusha uku kumanya kwi Leesa, nu kulema amelengusi yoshi, kuti yawe ni chopo kuli Klisto.

⁶ Nu kuuteyanya kusunda atanduka yoshi, lino utonsu wino Wacha wafikilila.

⁷ Mulolekeshe ifintu fino vili nkolelo. Ngi umwi wautaila unkola, fino untu wi Klisto, awelengule apalwakwe fino wene untu wi Klisto, ndi fino neswe kwene.

⁸ Kuno nanti nautensha nkani uche uku maka yitu, yano twapiwa nu Mwene—kuti tumukushe, asi ku muponya—ntalukulwa untwe.

⁹ Ntisa ndoleke kunti ndusita ukumofya uku mbaluwa shane.

¹⁰ Kuno yaluti: “Imbaluwa shaakwe shakoma ni sha maka, leelo ngali penepo ponga neswe, atakwite maka, nu kufwanga kwakwe ukwa sile.”

¹¹ Untu ndi wiyo awelengule ukuti, fino tuli na maswi itu ya um-mbaluwa ndi tusipo, nanti tulipo, ifino tuli um-milimo.

¹² Kuno tutalwesha ukuulinganya ponga na yamwi yano yaluutensha akola, nanti kuukolanya nayo. Leelo wene yakuluulinganya akola na akola, nu kuluukolanya akola na akola; yasi na mano.

¹³ Leelo swemwi tutaluutensya ukuluta fino tuli, leelo ukilyana na fino twapilwe na Leesa, uli kuti twisile uku mwino.

¹⁴ Kuno tutaluunyulula swe yakola ukuluta fino tuli, kuti tutizile kuno muli, kuno twatangwile ukumwino kwene sweswe ukumumila imbila yi iswi-sipe ilyi Klisto.

¹⁵ Nga tutaluutensha ukuluta fino tuli, ulikuti um-milimo ya antu yanji. Leelo angi tutaile fino, pano usumilo lino wakula, tulukusiwa kuno muli ukuyana na fino tuli, nu kupiwa ichilambu.

¹⁶ Nu kusunda iswi-sipe unsi sino sili nkolelo ya nsi sino, tutachiutensha uku chilingilo cha ntu unji, uku ifintu fino vyaombike.

¹⁷ Leelo wino aluutensha, autenseshe um-Mwene.

¹⁸ Kuno wino wasumilwa, asi wino aluutensha apa lwakwe, siku wino uMwene akulutensha.