1 Petlo 5 - UPANGANO UPYA

Amaswi kuikolo yi kanisa

¹ Ndukonkomesha ayikolo yano yali kuno muli, nene ne wikolo nachao na shuta wa machulo yi Klisto, nu muminkani kwene uwa ukulu uno uluswelulwa:

² Mucheme ufyo wi Leesa uno uli kuno muli: leelo kusi ku kufyengelesiwa, leelo uku kukasama uku mweso, ndi fino Leesa akasime; kusi kwa kukunda impia sha nsoni, leelo uku kukunda kwa mweso.

³ Nanti si wi yano yaluulâsa ku fyengi umu wankanyi wao, leelo ukuwa ichilangililo uku ufyo uo.

⁴ Na pano uNchemi unkulu wacha waloleka apatiswe, mulupokelela inkata ya ukulu ino itakunyala.

⁵ Nemwe kwene mwe yalumendo nasungu, muchindike ayikolo. Endita, mwensi kwene tontelanini, kuti mwaswane; kuno Leesa akukana aya chilumba, leelo auchefya akuyakumbukila.

Amaswi ya kumalila

⁶ Ichino muuchefye umwikasa ilya maka ilyi Leesa, kuti amukushe apa makati yaakwe.

⁷ Mumtwike Wiyo machulo ino yoshi, kuno Wene akumusunga.

⁸ Mutekane angi mulamwike. Kuno kapingula wino, Chiwa, aluswaswata wi kalangu alung'onta, angi alusita untu wa ku sonsomela.

⁹ Wene mupingule, mwimishe umusumilo, angi mumanyile fino amachulo yao kwene yalusana achino kwene, yano yali kuno ukushi.

¹⁰ Na Leesa wa nkumbu shosi wino wamwisile mwingila um-ukulu waakwe uwa manda ti muli Klisto, pano mwachula manda mache, unkola alumuyanya nu kumukomya nu kumupa amaka nu kumupa inzyansyo.

¹¹ Amaka yali nawe manda ti na ti. Chiwe fiyo kwene!

¹² Ukwikasa li Selevano uwachitu uwa kutailwa, ndi fino mbwine, ali namwandikila uku maswi mache, ukusunda nu kwimikila fino alazi ali nkumbu shi Leesa isha chumi. Mwimisye ningo muli shenesho.

¹³ Achino aya ku Babeloni, yano yasololwa ponga neswe yalumulaula, na Malko umwanane.

¹⁴ Mulaulane ukwi tosolo lya lukundo. Uweleshano uwe nemwe mwensi yano muli muli Klisto.