1 Kolinto 9 - UPANGANO UPYA

Chumi na chino chilungime mitume

¹ Chene! inene nsi kauwele? Asi ne ntume? Chene! ntawine Yesu uMwene witu? Chene! umwemwe asi mwe nnimo wane um-Mwene?

² Kuno ndi nsi untu ntume uku yanji, ne ntume kuno muli; kuno mwemwe muli kamanyililo ka utume wane um-Mwene.

³ Ali kuuwalilwa kwane kuli yano yalimtondosya.

⁴ Chene! tusi na maka fino tungalya nu kunwa?

⁵ Tusi na maka ukusenda uwane uwa m-utailo, ndi fino imitume anji, nanina ya Mwene, na wi Kefa?

⁶ Chene! inene na Balanaba sile yano tusi na maka ya kuntaomba unnimo uku makasa?

⁷ Unsalifi chi wino akuluya ukwisumo ni viombelo angi vya nsao yakwe? Uwini wino akulupela imizabibu atasya alye ivisêke fyaakwe? Nanti uwini wino aluchema ufyo, atasya ang'we iziya lya ufyo uo?

⁸ Chene! nduvwanga vi uku untu? Nanti Ntambi asi fino ivwanzile?

⁹ Kuno chaandikwe um-Ntambi yi Mose fino utanyepa ing'ombe unnomo lino ilupula ingano. Chene! apantu pao Leesa alulola ifintu vya ng'ombe?

¹⁰ Chene! ataluvwangila kuno tuli? Endita! Chaandikwe kuno tuli. Kuno wino alulima, alulima nutailo, na wino alupula ali nutailo wa kupungwilwa chimwi.

¹¹ Ngi swemwi twakomela imbezu zyamweeso kuno muli, Chene! chatala ngi twakumbula ifintu fino ivya ku mwili?

¹² Nga ngi anji yali na maka yalulya kuno muli, Chene! swemwi tutalusizye yao? Leelo tutachisile amaka yitu yao, leelo tutekile imyenzo uku ifintu vyonsi, kuti tutalesya iswi-zipe ilyi Klisto na chimwi.

¹³ Mutamanyile fino yano yaluomba un-ng'anda-nkulu-iyi-Leesa, yakulya ivya mwenemo; na yano yaluombela apa altale, yakuwa na kai uku ifintu vya penepo?

¹⁴ Ifino nu Mwene kwene walanda, ukuti: yano yaluma imbila iswi-zipe, yikalile iswi-zipe.

¹⁵ Leelo nemwi ntaviombela ifintu fiyo nanti chonga. Nga nanti ukwandika, Ntalwandika ukuti ifino chiwe kunondi, awe; kuno chingazipa infwe kuleka ukuti untu asalule ukuitensya kwane.

¹⁶ Kuno nanti fino ndusunda iswi-zipe, ntakwite chino ngautensesha. Kuno nasunkiliziwa kuti nsunde iswi-zipe; na kaili akalanda kane ndi ntasunzile iswi-zipe.

¹⁷ Kuno ngi nduomba unnimo u uku kukunda kwane, indi ni chilanbu; leelo ngi kusi kwa kukunda kwane, indi nu wangalizi wikala kunondi.

¹⁸ Ngi chilambu chane ichani? Ichi chino pano ndusunda ngafumya iswi-zipe nanti chilambu chimwi, nanti kuombela chino chiine uku maka yano ndi nayo umwiswi-zipe.

¹⁹ Kuno nanti fino nakululwa um-uzya onsi, nausenula ukuwa unzya wa yantu yoshi, ukuti ndole antu tupu ayakuti yandondele.

²⁰ Uku aYudea mbwa wa mYudea, ukuti ndole aYudea; uku ya Ntambi mbwa nene ntu wa Ntambi —nga kusi kuti ndi ni Ntambi, awe, leelo kuti ndole yano yali ni Ntambi.

²¹ Kuli yano yatamanyile Ntambi, nene mbwa wa ntu wino atamanyile Ntambi; asi kuti insi ni Ntambi pa manso yi Leesa, kuno indi ni Ntambi yi Klisto, ukuti njalole yano yatamanyile Ntambi.

²² Kuli yano yasi na maka, nkolane nayo, ukuti njalole yano yasi na maka; naukolenkanya na yoshi uku ifintu vyonsi, ukuti un-nzila zyonsi nfyusye antu.

²³ Nene nduomba ifintu vi vyonsi uku nnandu wiswi-zipe, ukuti tuminkane ponga.

²⁴ Chene! mutamanyile fino yano yakulwituka, yakulwituka yoshi, leelo wino wannambulwa, ali wenga sile? Ifino nemwe witukaini kuti mupiwe.

²⁵ Leelo wino aile ukuyulwila akuluwima vyonsi. Wene yakuluwima kuti yapiwe unnambu uno ulusila, leelo swemwi tupokelele unnambu uno utalusila.

²⁶ Ifino nene kwene ndwituka, asi wi wino atamanyile ukwituka; ifino nduma ingumi, asi kuti nduma apakala.

²⁷ Leelo nduuchuzya umwili wane uku kuuomvya, chitawa ukuti ngi nasunda anji, nenkola insye mbwe ntu wa kukanika.