तितुस 2 - Muria Far Western

निमाट मसिना खरोय करिहानातुन पालन किम्ट

¹ मति खरोय उपदेशता योग्य मन्तांग ओव पोल्लोनुंग निमा विस्वासि लोकुरकुन करहा।

² अनि मुदयाह मानेयकुन करहा, अनि ओरकुन आपुनतुन हुशयार मन्वाल बनेहमायिर, अनि लोकुरक ओरकुन हुळसुन आदर केविर इदाम ओरक जिवेमायिर, समजदार आयिर, विस्वास इरिर, मया केविर, बोदायि दुःख सहेमायिला मजबुत आयिर।

³ इदामे परमेस्वरिन वरियस पवित्र जिवन जिवे मायींग, अनि दुसरोनागं चाहळिंग वळकसुन दुसरोन बदनाम केमाकिगं, दाळंगो उनमाकिंग मति दुसरोरकुन सबोय पोल्लोंग करहिंग इन्जोर सेळोह आसकुन वने करहा।

⁴ अनि अदामे आपुना मुजोहारानसंग अनि बालकसंग मया केविगं इन्जोर सेळोह अव लयाहकुन डाटेकिसुन वेहिंग,

⁵ अनि मुत्ते शान्त मनि, पवित्र मनि, अनि लोता जिमेदारि सोबाय ताकहि अनि आपुना मुजोहाराना अधिनते मनि, बाक्याकि परमेस्वरना सोबाता पोल्लोता बाताले निन्दा आयमाकि।

⁶ अदामे लयोरक शान्त स्वभावतोर आयिर इन्जोर निमा ओरकुन समजेह किम।

⁷ अनि निमा सबोय बुतोनुंग सोबाय किम अनि लयोरक लोकुरक वने अदामे कियाला पहाजे। अनि निमा ओर परमेस्वरना बारेते करिहकि ते इमान्दारिते करिहकि, अनि समजदारिते ओरक करिहतांग पोल्लोनुंग मानेमायिर,

⁸ अनि बोव खरोय मन्तांग अवेकुने निमा करहा बाक्याकि अवेन बोरे गलति समजेमायमाकिर अनि इन्माकिर। अनि बोर माकुन होंग किन्तोर, ओरकुन मावागा दोष लावेह कियानाता सन्दि हेमाट असके ओरक लज्जा आयनुरक।

⁹ अनि आप-आपुना मालकाना अदिकारते मनिरक, अनि सबोय पोल्लोता गिरदा केविरक, अनि मालकानसंग बसकेय उलटो वळकमाकिर इन्जोर निमा दासकुन समजेह किम,

¹⁰ अनि मालकाना बोदायि चिजतुन कलमाकिर, अनि बाताल आयि केविर मति इमान्दारिते केविर अनि अदामे दुसरो लोकुरकुन वने मावोर पिसिहवाल परमेस्वरना करहिता पोल्लो सोबाय आकर्षन केविर।

¹¹ बाक्याकि सबोय मानेयकना पिसाना साटि परमेस्वरना दया प्रगट आतु,

^12-13 अनि ओद दया प्रगट आतु इन्जोर मावोर हजोर परमेस्वर अनि मावोर पिसिहवाल येसु मसि हजोर लावदे असा वायनुर इन्जोर गिरदाते माक आशा किस जिवित मन्दानपा दुनियाता बेकार पोल्लोतुन तासिस इद दुनियातिगा संयम, परमेस्वरना मुने येताना योग्य अनि परमेस्वरना भक्तिते जिवन जिवेमायान साटि इद दया माकुन मदत किन्ता,

¹⁴ अनि मावा गलतिताल पिसान साटि अनि भलाता बुतो कियान साटि पकाय तयार मन्तोर लोकुरकुन आपुना साटि शुद्धि कियालाय येसु मसि मावा साटि हातुर।

¹⁵ अनि निकुन सबोय पोल्लोनुंग वेहानाता अदिकार मन्ता, निमा ओरकुन करहा अनि सोबाय समजे किम। अदाम सबोय लोकुरक निकुन आदर हेविर।