१ कुरिन्थुस 3 - Muria Far Westernमसिलोकुरा नडुम फुट 1 हे बायि-दादालोरक, नना मियासंग मन्दाना बेरा पवित्र आत्मा अनुसार ताकवाल लोकुरासंग वळकाना लेहका आयो मति परमेस्वरिन पुनोर लोकुरा संग वळकाना लेहका अनि निमाट मसि विस्वासते बरसविट इन्जोर हुडलोर नोनानसंग वळकना लेहका वने नना वळकतान। 2 वरोर हुळिलोर नोनाल पाले उन्तोर ओन दुसरो बोदे जेवन तिन्दिला परोर अदामे नना मियासंग मन्दानपा मिकुन परमेस्वरना सोबाता पोल्लो सरल रितिते करिहतान। विस्वासते मजबुत मनवालोर विस्वासि लोकुरकुन करहाना लेहका करिहवोन, बाक्याकि ओद बेरा निमाट विस्वासते मजबुत मनवालोर विस्वासि लोकुरकुन करहिन्दुर ओद पोल्लोतुन स्विकार किया परविट आसि मति निमाट इदेक वने ओव पोल्लोंग स्विकार किया परोर मन्तोरक। 3 बाक्याकि निमाट इदेक वने परमेस्वरतुन पुनोर लोकुरक लेहका ताकान्तोरिट। मियागा हेवा अनि वाहचाना आन्ता ते निमाट बाताल परमेस्वरतुन पुनोर दुनियाता लोकुरक लेहका अनि मानेयना नियमता अनुसार ताकविट लोकुरक लेहका हिलविट बहे? 4 वरोर इन्तोर “नना पोलुसनोर आन्दान” अनि दुसरो इन्तोर “नना अपुलोसनोर आन्दान” इदाम इन्तोर ते बाताल निमाट केवल सादो मानेयक लेहका आयविट? 5 ते निमाट वेहाट, अपुलोस अनि पोलुसतुन बोर मन्तोरक इन्जोर निमाट विचार किन्तोरिट? महत्वतोरक मन्तोर इदाम बाक्या विचार किन्तोरिट? माक ते निमाट विस्वास कियान साटि मदत केवालोर केवल परमेस्वरना सेवक आन्दोम। प्रबु सोपे किता ओद बुतो माक इवुरास कितोम। 6 नना विजा वीतवाल लेहका मियागा येसु मसिना सोबाता पोल्लोता बुतो सुरु कितान। अनि अपुलोस ओद विजातुन एर दोसवाल लेहका मावा बुतोतुन ओर मुने ओस मिकुन करिहतोर। मति मिया आत्मिक जिवनतुन मजबुत बनेहकेवाल परमेस्वर आन्दुर। 7 इन्जोर विजा वीतवाल बाताले हिलेर अनि एर दोसवाल वने बाताले हिलेर मति मिया आत्मिक जिवनतुन बरसिहवाल परमेस्वर हजोर मन्तोर। 8 विजा वीतवाल अनि एर दोसवाल इवुरास तुल्य मन्तोर, सबोय मानेय आपुना मेहनतता अनुसार आपुना रोजि पुटहानुर। 9 माक परमेस्वर साटि बुतो केवाल संगवारि आन्दोम अनि निमाट परमेस्वरना डन्ड लेहका अनि परमेस्वर बनेकियाला आतोर उन्दि लोन लेहका मन्तोरिट। 10 नाकुन पुटता परमेस्वरना विशेषाल वरदानते नना वरोर पकाय सोबाय मिस्तिरि लेहका पायवातुन बनेकितान; मिकुन येसु मसिना सोबाता पोल्लोतुन ननाय पहले वेहच मतोना अनि दुसरो लोकुरक नना बनेकितान ओद पायवाता पोरो बनेहकियाला आतोरक। मन्जे ओरक मिकुन असा वने करहान्तोर इन्जोर निमाट आत्मिक जिवनते मजबुत आयकिट। मति सबोय मानेय नना बनेकिता ओद पायवा पोरो बदाम दोहिला आतोर अदेना बारेते हुशार मन्ट। 11 वरोर मानेय पायवा बनेकितेक अदेना पोरो दुसरो बोरे मानेय असा पायवा बनेकियाला परोर अदामे परमेस्वर मसिलोकुरा सभाता पायवा आस केवल येसु मसिन मुनेटाले ठहरे कितुर इन्जोर लोकुरा पिसाना साटि बोरे मानये असा दुसरो पायवा इरिला परोर। 12 परमेस्वरना बुतो केवालोर परमेस्वर ओरकुन हिता बुतो सोबाय कितुर ते इदाम दोहवालना पायवा पोरो दुसरो बोरे मानेय सोनो, चान्दि अनि पकाय किमतिवाले कल्क, कटियांग, जाळिंग अनि भुसा इदाम अलग अलग चिज वाटस दोहिला आतोरक ते उन्दि दिया सबोय मानेयना बुतो सबोय लोकुरा मुने दिसार। 13 बाक्याकि न्यायता दिया ओर सबोय पोल्लोंग तोहानुर। उन्दि लोतुन पयटेकितेक बोद चिज पिसार अनि बोद चिज करार इन्जोर बदाम माक पुन्तोम अदामे परमेस्वर लोकुरकुन न्याय कियाना दिया वने मन्दार, सोबाय चिज किसतिगा वने नाश आयो आयार अनि खराब चिज किसितिगा पयटेमायार। येसु मसि आपुना लोकुरा न्याय कियाना दिया इदामे आयार। मानेयना सोबाय बुतो नाश आयो आयार अनि मानेयना खराब बुतो नाश आयार। 14 पजा पायवा पोरो दोहाना बुतो केवालना बुतो पयटेमायवेक ओद बुतो केवालतुन आपुना रोजि पुटार। 15 मति बुतो केवालना बुतो पयटेमातेक ओन बाराय पुटो। ओर ते पिसानुर मति किसितिगाडाल पसियतोर मानेय लेहका पिसानुर। 16 निमाटे परमेस्वरना मन्दिर आन्दिट इन्जोर परमेस्वरना आत्मा मियागा मन्तोर इदाम बाताल निमाट पुनविट? 17 बोरे परमेस्वरना मन्डिलितुन नाश कियानुरते परमेस्वर ओन नाश कियानुर बाक्याकि परमेस्वरना मन्डलि पवित्र मन्ता अनि ओद मन्डलि निमाटे आन्दिट। निमाट मसिनोर मन्तोरिट 18 बोरे आपुनतुन दोखा हेमाकिर। मियागा बोरे आपुनतुन इद दुनियाता रितिते ग्यानि इन्जोर विचार किन्तोर ते ओर मानेय आपुनतुन बाताले पुनोर मानेय लेहका बनेकिम। इदाम कियानुर ते ओर परमेस्वरना मुने खरोय ग्यानि आयनुर। 19 इद दुनियाता ग्यान परमेस्वरना मुने बेकार मन्ता। पवित्र पुस्तकतिगा “परमेस्वर ग्यानि लोकुरकुन ओरा बुद्धिते किता बुतोतिगा हिरकाहनुर” इन्जोर कोटता मन्ता। 20 “ग्यानि लोकुरा विचार बेकार मन्ता इन्जोर प्रबु पुन्तोर” इदाम वने पवित्र पुस्तकतिगा कोटता मन्ता। 21 इन्जोर बोरायि मानेय आपुना मुक्याल लोकुरा बारेते हजोरपण केमाकिर बाक्याकि सबोय मिया मन्ता। 22 पोलुस, अपुलोस, पतरस, दुनिया, जिवन, हायाना अनि इदेकता पोल्लो अनि वायावाल सबोय पोल्लोंग मिया मन्तांग। 23 अनि निमाट ते मसिनोर मन्तोरिट अनि मसि परमेस्वरनोर मन्तोर। |
© (Active) Wycliffe Bible Translators, Inc. All rights reserved.
Wycliffe Bible Translators, Inc.