Zaburi 93 - Kifuliiru

Nahano, ye mwene ubushobozi

¹ Nahano ye mwami! Anayamiri ayambisirwi ubulangashane nga mirondo. Nahano anali ye mwene ubushobozi bweneene. Keera akasikamya ikihugo kyoshi, bitanâye zige kwo kishaganibwe.

² E Nahano, we yamiri ho, ukulyokera imyaka neꞌmyakuula, wanâli mali gwanwa wasikamya ikitumbi kyawe kyoꞌbwami.

³ E Nahano, inyaaja zigweti zigakungula. Imidunda yazo, ikola mu birinduka bweneene.

⁴ Kundu biri mu kungulaga, haliko, ubushobozi bwawe, bwo bubihimiri. Ee! Buhimiri imisi yeꞌyo midunda. Mukuba, ubutwali bwawe, buli hiꞌgulu lya byoshi.

⁵ E Nahano, imaaja zaawe ziyamiri zisikamiri. Inyumba yawe nayo, iyamiri italwirwi imwawe, halinde imyaka neꞌmyakuula.