Zaburi 70 - Kifuliiru

Kuhuuna ubutabaazi

¹ Izaburi ya Dahudi, imwoꞌmwimangizi waꞌbimbi.

² E Rurema Nahamwitu, ungize duba, we kongwa! Uvwarukage uyiji ndabaala.

³ Haliko ábaloziizi ukunyita boohe, bakizi teezibwa ishoni, banateteerwe. Bwo basiimiri kwo ngizi libuuka, ubateeze ishoni, mu kubagalulira inyuma.

⁴ Ngiisi ábali mu nvuka akahoogo, bateezibwe ishoni, banandwikirage kwo.

⁵ Haliko, ngiisi ábagweti bagakulooza, bakizi shambaala, iri banashagaluka mu kati kaawe. Ngiisi ábakuuziri ubukize bwawe, bakizi deta: «Rurema akizi huuzibwa.»

⁶ Kundu kwokwo, niehe ngiri mukeni, na ngi goozirwi. E Rurema Nahamwitu, uvwarukage maashi, uyiji ndabaala! We mu ndabaala, we na Lukiza wani. Kwokwo, utaki tindage.