Zaburi 54 - Kifuliiru

Nahano agakizi nzikamya

1-2 Imwoꞌmwimangizi waꞌbimbi. Lulasibwe neꞌnanga zeꞌmirya. Ludesiri hiꞌgulu lyeꞌkyanya Abaziifu bakagendi bwira Sahuli, ti: «Si Dahudi abishamiri ha kati kiitu.»

^1-2 Imwoꞌmwimangizi waꞌbimbi. Lulasibwe neꞌnanga zeꞌmirya. Ludesiri hiꞌgulu lyeꞌkyanya Abaziifu bakagendi bwira Sahuli, ti: «Si Dahudi abishamiri ha kati kiitu.»

³ E Rurema, umbulanire ku bushobozi bwawe, unangize kwiꞌziina lyawe.

⁴ Uyuvwirize amahuuno gaani, we kongwa. Undegage amatwiri.

⁵ Si ibinyamahanga bigweti bigandeera! Balyagagi balangi bweneene, banaloziizi ukunyita. Yabo bandu, batatwaziizi Rurema.

⁶ Kundu kwokwo, Nahano Rurema agandabaala. Yenyene, agakizi nzikamya.

⁷ Ngiisi ábagweti bagambangaaniza, ubasheregeze mu mabi gaabo boonyene. Ugirage nga kwo ukalagaania, mu kubaminika.

⁸ E Nahano, ngakizi kutangira ituulo ku mutima úgushenguusiri. Nganakizi yivuga iziina lyawe, bwo liri liija.

⁹ Mukuba, keera ukangiza mu makuba gaani gooshi. Kiri naꞌbagoma baani, nanabonaga ngiisi kwo bahimwa.