Zaburi 23 - Kifuliiru

Nahano ye mungere wani

1 Izaburi ya Dahudi.

¹ Izaburi ya Dahudi. Nahano ye mungere wani, ndaakyo kindu nganiihirwa kwo.

² Ali mu mbwataza mu ndaraara yoꞌbwasi úbudohiri, anali mu ndongoora halinde ha lwiji úlutuziizi.

³ Agweti agangania umutima, anali mu ndongoora, ngizi genda mu bikwaniini. Yibyo byoshi, biri hiꞌgulu liꞌziina lyage.

⁴ Na kundu nangalenga mu kabanda ákayidisiri mweꞌkimbehwa kyoꞌlufu, ndagayoboha. E nahamwitu, tuyamiinwi! Ubuhiri bwawe, neꞌngoni yawe, bigweti bigakizi ndanga, halinde na mboleere.

⁵ Ugweti ugakizi njiiga amavuta mwiꞌtwe, ubuli mbiikira ibyokulya biija mu masu gaꞌbagoma baani. Urusoozo lwani, lukoli yijuliiri.

⁶ E Nahamwitu, ku kasiisa, ngakizi vwagarara mu miija, na mu rukundo isiku zaani zooshi, tuganayamanwa mu nyumba yawe, halinde imyaka neꞌmyakuula.