Zaburi 150 - Kifuliiru

Ngiisi kiremwa kigumaana kikizi huuza Nahano

¹ Tukizi huuza Nahano! Mukizi huugiza Rurema mu nyumba yage ndaluule. Mukizi múhuuza na mwiꞌgulu, kwo liri mwoꞌbushobozi bwage.

² Mukizi múhuuza, bwo ali mu gira bya kahebuuza. Munakizi múhuuza, na bwo ali hiꞌgulu bweneene lya byoshi.

³ Mukizi múhuuza mu kudihiriza ibibuga. Munakizi múhuuza mu kulasa inzeeze noꞌlulanga.

⁴ Munakizi múhuuza na mu kukina, iri munalasa ingoma. Munakizi múhuuza mu kulasa imiteera-teera neꞌbinanda.

⁵ Munakizi múhuuza na mu kulasa isembaale ízilongiiri. Munakizi múhuuza mu kubilongeeza bweneene.

⁶ Ee! Ngiisi kiremwa íkiri mwoꞌmuuka, kikizi huuza Nahano. Tukizi huuza Nahano!