Zaburi 138 - Kifuliiru

Ulwimbo lwoꞌkutanga kongwa

1 Izaburi ya Dahudi.

¹ Izaburi ya Dahudi. E Nahano, ngakizi kuhuuza ku mutima gwani gwoshi. Ee! Ngakizi kuhuuza kiri neꞌmbere lyeꞌbindi íbiri mu yikumbwa.

² Ngakizi fukama, mu kulola iwa nyumba yawe ndaluule, na ngizi kuhuuza. Mukuba, uyamiri uli mwemeera, unali mu kundana. Ukakuza iziina lyawe, kuguma niꞌGambo lyawe, ukuhima ibindi byoshi.

³ Ikyanya nꞌgakutabaaza, wananjuvya, wanakizi ngania umutima, halinde nanaba kikalage.

⁴ E Nahano, abaami booshi ba mu kihugo, ikyanya bagayuvwa ngiisi byo uli mu deta, bakwiriiri bakizi kuhuuza.

⁵ Bakizi yimba hiꞌgulu lya ngiisi kwo wâli kizi gira. Mukuba, ubulangashane bwawe, buli bwingi ngana-ngana.

⁶ E Nahano, kundu we riiri hiꞌgulu lya byoshi, haliko uyamiri uli mu tanduula abatuudu. Si abanabwikangaate boohe, uli mu bamenyera ku hala.

⁷ Kundu ngoli sokaniinwi naꞌmakuba, haliko, we gweti ugakizi ndanga, ngizi ba mugumaana. Ikyanya abagoma bali mu ndakarira, uli mu golola ukuboko kwawe, unangize ku bushobozi bwawe.

⁸ E Nahano, urukundo lwawe luyamiri ho, halinde imyaka neꞌmyakuula. Ku yukwo, ngiisi byo keera ukatondeera, utagabileka, mbu biyiji fwa ubusha. Aaho! Ngiisi byo ukanjungikira, ubingolerage, we kongwa!