Zaburi 129 - Kifuliiru

Abagoma baani batakambima

1 Luli mu yimbwa na ábali mu zamuukira i Yerusaleemu.

¹ Luli mu yimbwa na ábali mu zamuukira i Yerusaleemu. Ukulyokera mu busore bwani, abagoma bâli kizi ndibuza bweneene. Kwokwo, Abahisiraheeri badetage kiranga:

² «Ukulyokera mu busore bwani, bâli kizi ndibuza bweneene.» Kundu kwokwo, batakambima.

³ Banangora-mabi bâli mali mbeza inguma mu mugongo. Imiviivi yanaba nga migungira.

⁴ Na kundu bâli njwesiri neꞌmigozi, haliko Nahano ananjwekuula. Emwe! Agweti agaagira íbikwaniini.

⁵ Ngiisi ábashombiragi akaaya keꞌSayuni, bagalulirwe inyuma, banahahazibwe.

⁶ Bakizi ba nga kishuka íkimeziri ku katwe keꞌnyumba. Mukuba, kiri mu yuma, buzira kukoma.

⁷ Ikyanya kiri mu kuulwa, kitali mu hisa kiri ifune. Na úli mu kikuumania, atali mu hisa umubega.

⁸ Yabo babi, ikyanya abandu bali mu lenga ha butambi lyabo, hatagire úgababwira, ti: «Nahano akizi mùgashaanira! Tuli mu mùgashaanira kwiꞌziina lya Nahano.»